قندهار ولایتی نینگ شاهولیکوت تومنیدهگی 17 مکتبدن، 2 تهسی نینگ ایشیگی اوقووچیلر یوزیگه آچیق قالگن.
قندهار ولایتی نینگ شاهولیکوت تومنی یشاوچیلری و مردمی کینگش اعضالری نینگ سلاموطندارگه ایتیشلریچه، مذکور تومن 17 مکتب تشکیلاتیدن، ناتینچلیکلر کوپه یشی و اوشبو تومندن مخدر ماده قاچاق قیلیشی دلیل اوقووچیلر یوزیگه 15 مکتب ایشیگی یاپیلگن. اولر مذکور مکتبلر ایشیگی یاپیلیشیده دولتنی توجهسیزلیککه عیبلیدیلر.
شاهولیکوت تومنی مردمی کینگش اعضاسی ظاهرجان، مذکور تومنده کته -کیچیک 720 گه یقین قیشلاق اوقووچیلریگه بو ایکی مکتب ییترلی ایمس دیدی.
اونینگ آگاهلنتیریب ایتیشیچه، امنیتی قیینچیلیکلر سبب شوحاضر تومن یشاوچیلریدن کوپیسی بدرغه بولگنلر و امنیت اورنه تیلمه گن تقدیرده اوشبو ایکی مکتب ایشیگی هم یاپیله دی.
شاهولیکوت تومنی مردمی کینگش اعضاسی گلبدین بیانینگ ایتیشیچه، مخدرماده قاچاقچیلری، هلمند مخدرماده لرینی قندهار-ارزگان شاه یولی و مذکور تومن اوستیدن آلیب اوتگنلری سبب ناتینچلیکلر دایمی شکلیده قالیب خلققه ضرر ایتکزهدی.
قندهار ولایتی نینگ معارف ریاستی مطبوعات مسؤولی نظرمحمد صمیمی هم خبرنی تآیید قیلیب ایتیشیچه، تومندهگی 17 مکتب و بیر دینی مدرسه دن فقط شاهوزیر ولیخان ناملی بیر یوکسک مکتب و ویان ناملی بیر اورته اوقوو مکتب ایشیگی 600 ایرکک بالهلر یوزیگه آچیق قالگن. جناب صمیمی نینگ کوپهیتیریشیچه، تومن امنیتی تأمین بولمه گن صورتده، شو قالگن ایکی مکتب ایشیگی هم اوقووچیلر یوزیگه یاپیلهدی.
شاهولیکوت تومنی قندهار شهریدن 50 کیلومتر اوزاغده جایلشگن تاغلی تومنلردن، میانشین و نیش تومنلری بیلن چیگره داشلیگیگه قوشیمچه، ارزگان و زابل ولایتلری بیلن هم چیگرهداش.
کیشیلیک ادارهسی نینگ حساباتیگه کوره، شاهولیکوت تومنی نینگ توپلم 44282 کیشی یشاوچیسی بولگنلیگی ایتیلهدی.
