ملی خوفسیزلیک کینگش دفتری نینگ اعلام قیلیشیچه، طالبان جنگریلری آرقهلی آز و کوپ هجوم اویوشتیریلگن بیر حالده، مملکتده آتیش کیسین نی دوامی بار و شونینگدیک بو پروسه نینگ دوام تاپیش حقیده سعی و حرکتلرنی دوامی بار.
بوگون (جمعه 9- جوزا) ملی خوفسیزلیک کینگش دفتری سوزلاوچیسی جاوید فیصل بیر توییت آرقهلی یازیشیچه، طالبلر آرقهلی هجوم اویوشتیریلگن بیر حالده هم آتیش کیسین نی دوامی بار.
طالبان گروهی بیرهم نینگ بیرینچی کیچهسیده 3 کونلیک آتیش کیسین اعلام قیلدی، مذکور گروه بو پروسه نینگ دوامی حقیده هیچ بیر نرسه دیمهگن بیرحالده، مملکت قطار ولایتلریده آتیش کیسین دوام ایتیب کیلماقده.
بوندن آلدین ملی خوفسیزلیک کینگشی، محبوسلر قوییب یوباریلیشی و افغانستانلیکلرارا سوزلشوولر باشلهنیشی نی آتیش کیسین نینگ دوامی گه باغلیق دیگن ایدی.
بیرهم کونلریده طالبان آرقهلی آتیش کیسین اعلام قیلینگنیدن کیین، افغانستان حکومتی مذکور گروه نینگ 2 مینگ محبوسی قوییب یوباریلیش بویروغی نی صادر قیلدی. گزارشلر اساسیده، اوشبو بویروغ صادر ایتیلگنیدن کیین حاضرگچه طالبلرنینگ 1 مینگ محبوسی قوییب یوباریلگن.
شونینگدیک اوتگن کون ملی خوفسیزلیک کینگش دفتری نینگ ایتیشیچه، طالبان گروهی نینگ فنی بیر هیأتی بو گروه محبوسلری قوییب یوباریلیشی حقیده افغانستان حکومتی نینگ فنی گروهی بیلن صحبت اوتکزیش اوچون کابل کیلگن.
قطرده طالبان سیاسی دفتری سوزلاوچیسی سهیل شاهین نینگ ایتیشیچه، مذکور گروه هیأتی محبوسلری نینگ تصدیق و بیللی قیلیش اوچون کابل یوباریلگن.
افغانستان حکومتی تینچلیک کیلیشوونامهسی امضالنگنیدن بویان، طالبان گروهی نینگ 2 مینگ محبوسی نی قوییب یوبارگن و شونینگدیک طالبان هم افغانستان دولتی نینگ 341 محبوسی نی آزاد قیلگن.
طالبان و آمریکا گروهی آرهسیده امضالنگن کیلیشوونامه گه کیلیشیچه، مذکور گروه نینگ 5 مینگ محبوسی افغانستان دولتی نینگ 1 مینگ محبوسی برابریده قوییب یوباریلیشی کیرهک.
