افغانستان استراتیژیک مطالعات مرکزی مسؤولی داوود مرادیان هراتده امنیتی خلق ارا تورتینچی ییغین اوتکزیلگن لیگیدن نیت منطقه دولتلری اورتهسیده علاقه آرتیشی همده ایشانچ توغدیریش دیب ایتیشیچه، مذکور ییغینده منطقه مملکتلری اورتهسیده مذاکره قیلیش مدنیتی کوچلهنیشی اوچون سعی وحرکت ایتیلهدی.
21عصرده اسلام مدنیت روکود موضوعیگه بغیشلنگن اوشبو اوچ کونلیک ییغین هراتنینگ قلعه شمیرانیده اوتکزیلهدی. افغاستان استراتیژیک مطالعات مرکزی رییسیگه کوره، داعش و طالبلر گروهی وجودگه کیلیشی اسلام دنیاسی رکودی سببچیسی دیر. او، مذکر ییغینده اوشبو معمانینگ ایچکی و تشقی بحرانلری اوستیده بحث ایتیلهدی دیگن.
هرات امنیتی خلق ارا تورتینچی ییغینیده 22 ایکی مملکت اینیقسه هندوستان، پاکستان، ایران، ترکیه، امریکه قوشمه ایالتلرینینگ 68 دیپلوماتی قوشیمچه 70 دن آرتیق مملکت بلند مرتبهلی رسمیلری اشتراک قیلگن.
جناب مرادیانگه کوره، قوراللی طالبلرنینگ ایریم رهبرلری افغانستان اساسی قانونینی تن آلگن و مذکور ییغینده پاکستان جاسوسلیک ادارهسی (آی اس آی) نینگ ایریم سابق رسمیلری هم قتنشگن.
افغانستان و پاکستان اورتهسیده مذاکرهنینگ ایکینچی دوری باشلنهدی.
افغانستان مطالعات مرکزینینگ رییسی داوود مرادیان « هرات امنیتی مذاکره» ییغینینینگ پایانیده افغانستان و پاکستان ارا تینچلیک مذاکرهنینگ ایکینچی دوری باشلهنیشینی ایتگن. جناب مرادیانگه کوره، مذکور مذاکره پاکستان دولتینینگ سابق بلند مرتبهلی هیاتلری بیلن افغانستان حکومی ملازملری اورتهسیده اوتکزیلیشی کوتیلهدی.
جناب مرادیان اوشبو ییغین اوتکزیلیشی رسمی کابل – اسلام آباد علاقهسی یخشی لهنیشی اوچون تاثیر بار دیگن. ییغینده ایکی مملکت اورتهسیده علاقهلرنی مستحکملش اوچون حل یوللری اوستیده هم بحث آلیب باریلیشی ایتیلهدی.
کابلنینگ شاه شهید منطقهسیده صادر ایتیلگن کوچلی پارتلشدن همده پیشاورده حربیلر تصرفیدهگی مکتبگه هجوم اویوشتیریلگندن کیین رسمی کابل بیلن اسلام آباد بلند مرتبهلی رسمیلری بیر- بیراولرینی ترورچی گروهلرنی حمایت قیلگنلیکده عیبلهگن ایدی. انه شو مسالهسبب پاکستان و افغانستان علاقهسی سُستلشدی.
