چین بیلن هند دولتی اورته سیده ایریم بولیم لرنی اوز ایچیگه آلووچی 22 میلیارد دالر لیک 26 شرط نامه گه قول قوییلدی.
چین دهگی هندوستان ایلچی خانهسی نینگ معلوماتیگه کوره، مذکور شرط نامه لرگه هند باش وزیری نارندرا مودی نینگ چین گه بولگن اوچ کونلیک سفری جریانیده امضالنگن.
ایتیلیشیچه، بو کیلیشوو ایریم اقتصادی لایحه لردن عبارت.
بیجینگده هند ایلچی خانهسی مسؤوللری گه کوره، مذکور شرط نامه لرگه کیشی لیک کوچ قوتلهنیشی، سوداگرلیک باجخانه لر قوریلیشی، لوژیستیکی ایشلرنی کوزه تیش، صنعتی پارک لر و بنیادی لایحه لرنی اوز ایچیگه آلهدی.
هندوستان باش وزیری چین ملی سوداگرلری و نماینده لری بیلن اوچره شیب، هند ده سرمایه یاتقزیش لرینی سورهگن.
نارندرا مودی نینگ چین ملی سوداگرلریگه خطاباً ایتیشیچه، چین نه فقط دنیا ده مهم بازار صفتیده تانیلگن بل سوداگرلیک مرکزی حیثیده مهم اهمیتگه ایگه.
شونینگدیک اوچره شووده هند باش وزیری، مملکتی یومشاق افزار ایشلب چیقاریش و چین قتیق افزار ایشلب چیقاریش ساحه سیده کوزگه کورینرلی درجه ده آلغه سیلجیگن لیگینی ایتگن.
جناب مودی چین سوداگرلری بیلن اوچره شگن چاغیده ایتیشیچه، هند نینگ مالی تیزیمینی شفاف لشتیریب و تیزلیکده بو تیزیمنی اوزگرتیرهدی.
ایتیش کیرهک اوتکن ییل هم چین بیلن هند آره سیده 20 میلیارد دالرلیک شرط نامه گه قول قوییلگن ایدی؛ بیراق حاضرگه قدر هم مذکور شرط نامهلر اوستیده جدی شکلده ایشلنمهگن.
شونینگدیک چین بیر آی آلدین هند نینگ منطقه دهگی رقیبی بولیمش پاکستان بیلن 46 میلیارد دالرلیک شرط نامه گه قول قویگن ایدی.
گزارشلرگه کوره، بو پول چین بیلن پاکستان آرهسیدهگی اقتصادی دهلیز قوریلیشیگه صرفلهنیشی کوتیلهدی.
