دایکندی ولایتی محلی رسمیلرینینگ ایتیشیچه، اوتگن کون کجران تومنی قوم بویوکلریدن 3 کیشی طالبلر تامانیدن اوغیرلنگن 36 یولاوچینی قوییب یوباریش اوچون مذکور گروهنینگ آلدیگه بارگن، لیکن طالبلر بولرنی هم گروگه آلگن.
اوشبو خبرنی تصدیقلگن دایکندی ولایت کینگشی اعضاسی غیرتعلی جواهرینینگ سلاموطندارگه ایتیشیچه، قوراللی طالبلر قوم بویوکلریدن بیرینی قوییب یوبارگن و باشقه 2 تهسی 36 یولاوچی بیلن بیرگه مذکور گروهنینگ اختیاریده دیر.
دایکندی ولایت کینگشینینگ اوشبو اعضاسی گه کوره، قوراللی طالبلر گروگه آلگنلرینینگ قوییب یوباریش بدلیده محلی اداره دن مذکور تومننینگ بالادشت منطقهسیدهگی خوفسیزلیک کمربندلری بو گروهنینگ اختیاریده قوییلیشینی طلب قیلگن.
شونینگدیک، اوشبو موضوع نی تصدیقلگن دایکندی ولایت مقامی مطبوعات دفتری مسؤوللرینینگ ایتیشیچه، گروگه آلینگنلر قوییب یوباریلیشی اوچون حاضرگچه طالبلر بیلن 3 ییغین اوتکزیلگن.
دایکندی-قندهار قتناو یولیدن طالبلر 36 یولاوچینی اوغیرلگن
شونینگدیک، دایکندی حاکمی سوزلاوچیسی علیاکبر ناطقینینگ ایتیشیچه، قوراللی طالبلر گروگه آلگنلرینینگ قوییب یوباریش اوچون کجران تومنی بالادشت منطقهسیدهگی خوفسیزلیک کندکی مذکور گروه گه تاپشیریلیشینی طلب قیلگن.
بیراق، دایکندی پولیسی قومندانی غلامسخی، ولایتی کینگشی اعضاسی و والی سوزلاوچیسینینگ سوزینی رد قیلیب ایتیشیچه، منطقهیی تارتیشولر باعث توقنشوو یوزبیرگن.
نیچه کون آلدین طالبان دایکندی ولایتی نینگ کجران تومن یشاوچیلریدن 36 تهسینی گرو آلیب و اولرنینگ قوییب یوباریلیشی حقیده سعی و حرکتلرنی دوامی بار.
