غزنی ولایت اورین باسری محمعلی احمدینینگ سلاموطندارگه ایتیشیچه، مذکور اون بیر یولاووچی اوتگن کیچه قرهباغ ولسواللیگی یولیده نامعلوم قوراللی شخصلر تامانیدن موتردن توشیریلیب نامعلوم ییرگه آلیب کیتیلگنلر. احمدیگه کوره، دولت هنوزگچه مذکور قوراللی گروهلرنینگ یشش جایی بارهسیده معلومات قولگه کیریتمهگن.
اون بیرکیشی اوغیرلنگنلیگینی تصدیقلهگن جاغوری ولسوالی ظفر شریفنینگ سلاموطندارگه بیلدیریشیچه، مذکور شخصلر آزاد ایتیلیشی اوچون سعی و حرکتلر دوام ایتماقده. اما نتیجه بیرمهگن. جاغوری ولسوالی، بوندن آلدین هم ایکی خاتین شامل تورت ایرکک نا تانیش قوراللی شخصلر آرقهلی اوغیرلنگن ایدی دیگن.
هنوزگچه هم اوشبو اوغیرلش مسؤولیتینی هیچ بیر گروه یا شخص اوز ذمهسیگه آلمهگن.
اوتگن کون هم قوراللی طالبلر تامانیدن جاغوری ولسواللیگی نینگ تورت یشاووچیسی اوغیرلهنیب، سونگ اولدیریلگن ایدی. اوشبو کیشیلرنینگ جسدی غزنی ولایتی نینگ اسفندی چولیدن تاپیلگن.
