جوزجان ولایتینینگ درزاب تومنی ایلکبار تصرفیگه اوتدی و مذکور تومن یشاوچیلریدن اونلرچه خانهدان باشقه منطقهلرگه قاچیب چیقدیلر؛ درزابلیکلرنی قاچیقشی یوک تشووچی موترلر بازارینی قیزیتگن ایدی.
درزاب حاضر حکومت کوچلری قولیده، اما ینه هم هیداوچیلر یشاوچیلرگه داعش دوباره منطقهلرینی آلیش تشویشی بیلن اوز ایشلرینی قیلماقده.
جوزجان والیسینینگ اورین باسری عبدالرحمان محمودینینگ ایتیشیچه، درزاب تومنی سقوط قیلمسدن آلدین مرکز بیلن تومن کراسی ۳۰۰ افغانی ایکن، لیکن داعش نظارتیده اوتیشی بیلن ۱۰۰۰ افغانی کوتاریلیب و هیداوچیلر وضعیتنی سقلش اوچون اهالی ایچیده شایعه تشلب داعشنینگ ینه مذکور تومننی آلیشیدن قورقیته دیلر: «تومندن تیزلیکده چیقینگ که داعش ینه هجوم قیلهدی.»
جناب محمودی درزاب یشاوچیلریدن هیداوچیلر سوزیگه الدهنمسلیکلرینی ایستهیدی، «امنیتی کوچلر بو جنگریلرنی نابود قیلیشگه کوچی ایتهدی و باشقه تاریخ تکرار بولمیدی.»
درزاب یشاوچیلری هم خبرنی تأیید قیلیب ایتیشلریچه، بالهلریگه هیداوچیلر پول بیریب منطقه سقوط قیلمسدن خانهدانینی قوتریشگه عملده بیر ایش قیلیشگه تشویق قیلهدی.
درزاب پولیسینینگ قومندانی محمداسماعیل هم خبرنیی تأیید قیلهدی، لیکن اونینگ ایتیشیچه، حاضر وضعیت یخشی بولگن و تومنده کیلیب کیتهدیگن هیداوچیلرنی دقت بیلن تیکشیرهدیلر.
۲۹ جوزا ده داعش جنگریلری درزاب تومنیگه هجوم قیلیشلری بیلن کونی کیچهسی مذکور تومن بوتونلی اوشبو گروه نظارتیده کیردی. داعش گروهینینگ افغانستانده فعالیت باشله گنیدن حاضرگه قدر مذکور گروه نظارتیده اوتگن بو بیرینچی تومن ایدی.
