ملی خوفسیزلیک کینگشی نینگ اعلان قیلیشیچه، طالبان محبوسلریدن باشقه 100 تهسی بوگون "پنجشنبه" بگرام قماقخانهسیدن قوییب یوباریلهدی. شونینگدیک، اوتگن "چهارشنبه" کونی اوشبو گروه اعضالریدن 100 تهسی بگرام قماقخانهسیدن قوییب یوباریلگن ایدی.
ملی خوفسیزلیک کینگشی سوزلاوچیسی جاوید فیصل نینگ توییتر صحیفهسیده یازیشیچه، مذکور محبوسلر جمهور رئیس غنی نینگ فرمانی اساسیگه قوییب یوباریلهدی.
محمداشرف غنی تحلیف مراسمی کونیده دولت قماقخانهلریده بولگن 5 مینگ طالب نینگ قوییب یوباریلیش خصوصیده فرمان صادر قیلیب و مذکور محبوسلرنینگ تدریجی شکلده قوییب یوباریلیشینی بیلدیرگن ایدی.
اوتگن "چهارشنبه" کونی قوییب یوباریلگن محبوسلر پروان، پکتیا، پکتیکا، بغلان، هلمند، قندهار و باشقه بیرقطار ولایتلرنینگ یشاوچیلریدن ایکن.
بوگون "پنجشنبه" ایرتهدن چاغیده بگرام حربی قونالغهسی طالبان جنگریلری نینگ راکتی هجومی بیلن دوچ کیلگن بیرحالده، بو گروه جنگریلریدن باشقه 100 تهسی بگرام قماقخانهسیدن قوییب یوباریلهدی.
