گزارشلر اساسیده طالبان نینگ تشکیلاتی گه قطار اوزگریشلر کیلگن. ینگیلیکده طالبان رهبری ملا هبتالله آخندزاده، ملا امیرخان متقی شامل قطر سیاسی دفتری نینگ ۸ اعضاسینی ایشدن چیقاریب و بو گروه نینگ ۴ رهبرلیک اعضاسینی اونگه کوپهیتیرگن. شونینگدیک حربی بولیمده ملا محمدعمر نینگ اوغلی ملا یعقوب، ملا ابراهیم صدر نی اورنیگه حربی کمیسیون باشلیغی صفتیده تعیین قیلگن.
گرچند طالبان گروهی آرهسیده اوزگرتیریشلر عادی کورینهدی و بو گروه رهبری بعضن طالبلرنینگ سیاسی و حربی مسئوللری نی تبدیل قیلهدی، بیراق افغانستانلیکلرارا سوزلشوولر باشلنهدیگن بیرحالده، قطرده طالبلرنینگ سیاسی دفتر اعضالری نی ایشدن چیقاریب و ملامحمد عمر نینگ اوغلی نی تنلهش اهالی وطالبان گروهی اعضالری آرهسیده قطار سوراقلر چیقارگن.
حربی ایش بیلرمانلردن قطاری نینگ ایتیشلریچه، افغانستانلیکلرارا سوزلشوو باشلنهدیگن بیرچاغده بوندهی اوزگریشلر افغانستان اوچون یخشی بولمهسی ممکن.
استخباراتی و حربی ایش بیلرمان محمد حیدری و ایچکی ایشلر وزیرلیگی نینگ سابق معینی میرزامحمد یارمند نینگ ایتیشیچه، افغانستانلیکلرارا سوزلشوولرنینگ یقیینلیگیده پاکستان نینگ استخباراتی یخشی مدیریت بولهدیگن آدملری نی طالبان گروهی نینگ رهبرلیگیده جایلشتیریش ایستهیدی.
اولرگه کوره، اوشبو تعیینات و اوزگریشلیکلر پاکستان نینگ استخباراتی تشکیلاتی آرقهلی صورت تاپهدی.
بو توغریده قطرده طالبان سیاسی دفتری و تینچلیک بوییچه دولت وزیرلیگی نینگ فکرینی آلیش ایستهدیک، بیراق موفق بولمهدیک.
