اوتگن کیچه (شنبه ۱- سنبله) نظمعامه سابق قومندانی زمری پیکان امنیتی کوچلر آرقهلی کابل شهری دن قولگه آلیندی.
ایچکی ایشلر وزیرلیگی سوزلاوچیسی طارق آرین بوخبرنی تصدیقلب ایتیشیچه، زمری پیکان امنیتی کوچلر آرقهلی قولگه آلینگن.
اوتگن ییل قوس آییده جمهوررئیس محمداشرف غنی، اداری فساد گه قرشی کورهش نینگ ییللیک ییغینیده، زمری پیکان تیزلیککه قولگه آلینیشی توغریسیده ایچکی ایشلر وزیرلیگی گه بویروغ بیرگن ایدی.
جناب غنی گه کوره، زمری پیکان قولگه آلینمهگن صورتده، فساد گه قرشی کورهش توغریسیده افغانستان نینگ سیاسی ارادهسی و شهرتی سوراق آستیده قرار تاپهدی.
زمری پیکان قویاش ۱۳۹۶- ییل ده اداری فساد گه قرشی کورهش عدلی و قضایی مرکزی تامانیدن ایچکی ایشلر وزیرلیگیده وظیفهسیدن سواستعمال قیلیش و بیر قتل گه اوغلی همکارلیش قیلیش خصوصیده عیبلهنیب ۸ ییل و ۶ آی حبس گه محکوم بولگن ایدی.
