ایکّی کوندن بیری میدان وردک ولایتینینگ جلریز تومنیده قوراللی طالبلر بیلن ملی کوچلر اورتهسیده اوروش دوام ایتهدی. محلی مسووللر، آتیشمه جریانیده جنگری طالبلرنینگ 21 نفری اولدیریلگن و 6 تهسی ایسه تن جراحتی آلگن دیگنلر.
میدان وردک ولایت والیسینینگ سوزلاوچیسی عبدالرحمان منگلنینگ سلاموطندارگه معلوم قیلیشیچه، ولایتنینگ جلریز تومنی تصرف ایتیلیشی اوچون جنگری طالبلر غزنی و زابل ولایتلریدن میدان وردک که کیلگنلر.
منگل، افغان ملی کوچلری تینچ اهالیگه تلفات ییتمسلیگی اوچون تاکتیکی آرتگه قیتیب، بیر قنچه پوستهنی قویبرگنلر.
سوزلاوچی حاضر یوزلب حربی قوشین کابلدن میدان وردککه ییتیب کیلگنلر دیگن. او، تیزلیکده ییریک عملیات اوتکزیلیشی بارهسیده تاکید قیلگن.
حاضر میدان وردک ولایتینینگ حربی و ناحربی مسووللری ملی کوچلر تلفاتی توغریسیده بیرار نرسه دیمهگنلر. جلریز تومنیده بیر منبع نینگ سلاموطندارگه بیلدیریشیچه، آتیشمه ده 5 حربی عسکر شامل 3 تینچ اهالی هلاک بولگن و 6 نفر یرهلنگن.
عین حالده، جلریز تومنی حاکمی نقیبالله حیدری، حاضر آتیمشه بیر آز کیمگنی ایتیب، ینگی کوچلر جلریزگه ییتیب کیلگنلر دیدی.
او، یر حربی عسکرنینگ تن جراحتی آلگنلیگینی تصیق لهگن. طالبانگه ییتگن تلفات بارهسیده انیق معلومات قولده ایمس لیگیگه قرهمی، لیکن، اونلب طالب اولدیریلگن لیگینی ایشانچ بیلن تیلگه آلگن تومن حاکمی.
باشقه تاماندن اوزینی قوراللی طالبلرنینگ سوزلاوچیسی تانیشتیرگن ذبیح الله مجاهد، جلریز اوروشیده تورت حربی پوستهنی تصرف قیلیب 21 محلی پولیسنی اولدیرگنلیک لرینی ادعا قیلگن.
