کنر محلی مسووللرینینگ ایتیشیچه، طیبه لشکری، جیش محمد و البدر گروهلری پاکستان نینگ حمایتی آرقهلی، اوشبو ولایت نینگ دانگام و باشقه بیرقطار تومنلریده قرارگاه ایجاد قیلگن.
کنر ولایتینینگ دانگام تومنی ولسوالی محمدرحمان دانش نینگ سلاموطندارگه ایتیشیچه، اوشبو گروهلر تامانیدن قرارگاه ایجاد ایتیلیشی کنر خوفسیزلیگینی تهدید قیلهدی.
اونینگ ایتیشیچه، بو گروهلر پولیس پوستهلری اوستیگه هجوم قیلیش چکهسیده، اولرگه قرشی کیلگن کیشیلرنی هم هدف آستیگه قرار بیرهدی.
دانگام تومنی یشاوچیلریدن بیرقطارینینگ ایتیشیچه، پاکستان دیورند چیزیغینینگ ایکی تامانیده اوشبو گروهلرگه قرارگاه ایجاد قیلگن.
کنر حاکمی سوزلاوچیسی غنی مصمم نینگ ایتیشیچه، دهشت تشلاوچیلر اوشبو ولایت چیگرهلریده قرارگاه ایجاد قیلگن، بیراق اولرنی نابود قیلیش اوچون سعی و حرکتلرنی دوامی بار.
طیبه لشکری، جیش محمد و البدر گروهلری پاکستانده فعالیت قیلهدیلر، بیراق بو بیرینچی مرته که مذکور گروهلر افغانستانده قرارگاه ایجاد قیلهدی.
