.JPG)
قندوز-شیرخان بندر قتناو یولیده نظمعامه پولیسی ایکی تینچ اهالینی اولدیرگن.
اوشبو واقعه توغریسیده قندوز یشاوچیلریدن بیرقطاری، شیرخان بندرده اعتراض بیلدیریب و قندوز-شیرخان بندر قتناو یولینی ترافیک یوزی گه باغلهگنلر.
اولرنینگ ایتیشیچه، بوگون ایرتهلب موترلرینینگ کاروانی قندوز دن شیرخان بندری تامان کیتهیاتگن چاغیده، نظمعامه پولیسی نینگ چیکپاینتیده توختهتیلگن؛ بیراق عسکرلرگه پول بیرمهگنلری باعث، عسکرلردن بیری اوق آتیب ایکی کیشینینگ اولدیرگن.
اعتراضچیلرگه کوره، اولر یقینلریدن بیرینینگ تورموش قوریش مراسمیده اشتراک قیلیش اوچون قندوز دن شیرخان بندری کیتماقده ایکن.
.JPG)
اوشبو اعتراضچیلر بیر شرطنامه صادر قیلیب اوق آتگن عسکر جزالنتیریشینی سورهگنلر و آگاهلنتیریشلریچه، ایستکلری عملگه آشیریلگونگهقدر قندوز-شیرخان بندر قتناو یولی ترافیک یوزیگه آچیلمهیدی.
قندوز خوفسیزلیک مسؤوللری، بو خبر توغریسیده میدیالر بیلن صحبت قیلیش گه حاضر بولمهگنلر، بیراق اوشبو خبرنی تصدیقلگن قندوز ولایت کینگشی اورین باسری صفیالله امیری، نظمعامه کوچلری تامانیدن تینچ اهالی قربانلیگی آلدی آلینیشینی سورهگن.
شونینگدیک، بوندن آلدین هم قندوز یشاوچیلری مذکور قتناو یولدهگی چیکپاینتلرده نظمعامه پولیسلرینینگ ناقولی حرکتیدن شکایت قیلگن ایدیلر.
