میدان وردک ولایتینینگ محلی یوقاری مرتبهلی رسمیلری، کیچه ولایت نینگ جلریز تومنی قوراللنگن طالبلر تمانیدن هجوم آستیگه آلینگن لیگی بارهسیده خبر بیرگنلر.
جلریز تومنینینگ ولسوالی نقیبالله حیدری خبرنی تصدیق لب ایتیشیه، منطقه ده قوراللی طالبلر بیلن افغان ملی کوچلری اورتهسیده هنوز هم قتیق اوروش جریانی بار.
جناب حیدری، قوراللی طالبلر جلریز تومنینی تصرف قیلیش اوچون زابل، غزنی و لوگر ولایتلریدن هجوم قیلگن لر دیگن.
جلریز تومنینینگ حاکمی، حاضر ملی کوچلر تاکتیکی آرتگه قیتگنلر دیگن. عین حالده، طالبلرگه کوپراق زیان ییتکزیلگنی ایتیلهدی.
او، منطقهگه یوباریلگن ینگی حربیلر جلریزگه باریشی بیلن جنگری طالبلرگه آغیر تلفات ییتکزیلیشی ممکن دیدی.
هنوزگچه قوراللی طالبلر تامانی بو حقیده بیرار نرسه دیمهگن.
پایتخت جنوب غربیده جایلشگن میدان وردک ولایتی قندهار – کابل عمومی یولیده جایلیشگن. بو ولایتده طالبلرنینگ دییرلی فعالیتی بار.
اوتگن کون (سرطان 10-) طالبان گروهی میدان وردک ولایتیدن کابل کیله دیگن پولیس حربیلری کاروانینی نشانگه آلگن ایدی. نتیجهده ینگی دن حربی ساحه ده تعلیم کورگن 30 پولیس قربان بولیب کمیده 50ته سی آغیر یینگیل یرهلنگن ایدی.
