3 کون آلدین کابل مکتبلری دهگی اوقیتوچیلر درسی ساعتلری کوپلیگیگه قره گنده آیلیکلری آز بولیب، باش پناهسیز ایکنلیکلری اوچون و بوتوغریده کوپلب ولایات اوقیتوچیلری هم اورگه تیشدن چیکینگن ایدی.
ناراضلیک کورستگن اوقیتوچیلر، اوقووچیلرنی درسدن قالیشگه کوزلری قیمیدی، اما عدالتسیزلیکلر باعث ایش تحصنیگه قول اورگنلیکلرینی ایتهدیلر.
ناراضلیک کورستگن اوقیتوچیلرگه کوره، بولر ایستهگیگه ایتیشیلمهگن بیرحالده، اعتراضلرینی یوکسلتیریب سرکلرگه چیقیشلرینی آگاهلنتیرهدیلر.
اوقیتوچیلر تحصنی باعث کابل و کوپلب باشقه ولایتلرده اوقووچیلریوزیگه مکتبلر ایشیگی یاپیلگن.
اوقووچیلردن ایریمی، اوقیتوچیلرینینگ ایستهگیگه دولت توجه قیلمهگن صورتده بولر اورگهنیش شیوهسی اورتهدن کیتیب، کوپلب قیینچیلیکلر بیلن روپهره بولیشلریدن خواطر کورستهدیلر.
ینه بیرتاماندن مکتبلر یاپیلیشی بیلن اوقووچیلر اوزخودمچه شهرده یوروگن و بو واقعه اوقووچیلر عایلهسینی خواطرگه سالگن.
ییل اورته سیدهگی سیناو شویقینده باشلنیشی کوزهتیلگن بیرچاغده بونقه ناراضلیکلر اوتکزیلهدی.
کوپلب مدنی نهادلر و مدنی فعاللر هم اوقیتوچیلرنی مذکور حرکتیدن حمایت قیلیب حکومتنی توجه سیزلیککه متهم قیلهدیلر.
مذکور نهادلر اوقیتوچیلر ایستکلریگه حکومت تامانیدن ایتیشیلیشنی سورهگن.
اما معارف وزیرلیگینینگ مسؤوللریگه کوره، اوقیتوچیلر معمالری استه سیکین حل ایتیلیشینی اورغولیدی.
معارف وزیری اسدالله حنیف بلخینینگ پنجشنبه کونگی چیقیشیده ایتیشیچه، کیلهسی یقین پیتده مرکز و ولایتلرده اوقیتوچیلر اوچون یشش بنا ییرلر توزیع بولیشینی تیلگه آلدی.
جناب بلخیگه کوره، اوقیتوچیلر اوچون کیلهسی هفته استالفده 324 یشش بنا، دهسبزده 500 یشش بنا وباشقه 400 رهایشی بلاک هم توزیع بولیشی کوتیلهدی.
بوندن آلدین جمهور رییس غنی اوقیتوچیلرگه یشش بنا توزیع قیلیش وعدهسینی بیرگن ایدی، اما ناراضلیک کورستگن اوقیتوچیلرگه کوره، حاضرگه قدر حکومت وعدهلرینی عملگه آشیرمهگن.
