مملکت نینگ مرکزی قسمیده جایلشگن پنجشیر ولایتیده طبیعی حادثهلرده جبر کورگن خانهدانلرگه ایکی کوندن بیری جدی شکلده ییگولیک آذیق آوقت و دارو ترقه تیب بیریلماقده.
پنجشیر ولایتیده سونگی هفته آقیمیده روی بیرگن طبیعی واقعهده زیان کورگن عایلهلرگه یاردم ییتکزیب بیریش کمیته همده یاردملرنی ییتکزیشده حکومت نینگ مخصوص نماینده سی ویس برمک نینگ ایتیشیچه، یاردملرنینگ بیر بولیمی ولایتنی باریش اوچون ممکن بولمه گن ولسوالیکلریگه هم جونه تیلگن.
شونینگدیک افغانستانلیکلر هم کابل داخل ایریم ولایتلرده زیان کورگنلرگه یاردم ییتکزیب بیریش اوچون پول ییغیش و کومک قیلیش برنامه سینی باشله گنلر.
عین حالده، اوزگریش و اصلاح ناملی ترماق نینگ فعاللری حوت آیی نینگ 12- سیده « طبیعت یره سیگه انسانی مرحم بولیلیک» شعار بیلن کابل نینگ ایریم خیابانلری جملهدن پشتونستان چهار راهه سیده خیمته تیکلب نقدی پول ییغیشگه حرکت قیلگنلر.
بونگه قره مسدن، جبر کورگنلرگه کومک و یادرم ییتکزیب بیریشده ایریم جایلرده فساد موجودلیگی باره سیده آوازه لر بار. مجمع و رسات ناملی مدنی اداره نینگ مسووللری، بو آوازهلر آردنیدن کومک و یاردم حیف و میل ایتیلمس لیگی اوچون حکومتگه ایریم تکلیفلرنی تقدیم قیلگنلر.
بولرنینگ حکومتگه خطاب قیلیب ایتیشیچه، بو یاردملر کوپراق نقدی پول اساسیده معین بیر اداره مسووللری تامانیدن بیریلشی باره سیده تاکیدلهگنلر.
زیان کورگنلرگه یاردم ییکزیب بیریش اوچون حکومت نینگ مخصوص نمایندهسی جناب برمک بو آوازهلر حقیده ایتیشیچه، فساد یوز بیرمسلیگی و شفافیت تامین ایتیلیشی اوچون پنجشیر ولایت والیسی نظری آستیده کمیته ایجاد ایتیلگن.
قولگه کیرتیلگن سونگی معلوماتلرگه قره گنده، پنجشیر ولایتیده روی بیرگن حادثه ده 200 کیشی هلاک بولگن و 95 نفر یینگیل و آغیر یره لگن.
