نا حربی خدمتلر و اصلاحات اداری کمیسیونی امریکانینگ «کمونکس» شرکتی بیلن 3مینگ عیالنی 5 ییلگچه اورگهتیش بوییچه لایحهگه قول قویگن.
مذکور کمیسیوننینگ رییسی احمد مشاهدنینگ بوگون چهارشنبه بیر خبری ییغینده ایتیشیچه، مذکور لایحه گه اون ایکینچی صنفنی بیتیرگن یا لیسانس بولگن 18 یاشدن 30 یاشگچه بولگن عیاللر شامل بولهدی و اولرنینگ اورگهنیش جریانی تیزلیکده ناحربی خدمتلر انستیتوتیده باشلنهدی.
اونگه کوره، اوشبو برنامهنی عملگه آشیریلیشی علمی و روحی لحاظدن عیاللرنی افغانستان ناحربی خدمتلری بوییچه ایشگه کیریشلری اوچون ییریک بیر آدیم دیر.
باشقه تاماندن امریکا کمونکس شرکتی نمایندهلیگیده گپیرگن لایحهنینگ رییسی خانم مینه شیرزویگه کوره، اوشبو برنامه گه کیره دیگن عیاللر اون آیلیک بیر دور اورگهنیش کوره دیلر.
شیرزوینینگ ایتیشیچه، مذکور لایحهنینگ توپلم هزینهسی 38 میلیون دالردیر.
مذکور اورگهنیش دورهنی اوتکزگن عیاللر افغانستان دولت ادارهلریگه ایش بیلن تامین ایتیلیشلری کوتیلهدی.
هنوزگچه کابل داخل ولایتلرده عیاللر قابلیتینی آشیریش اوچون نیچه برنامهلر عملگه آشیریلگن، اما هنوز عیاللرنی دولتی ادارهلرگه نسبتن حضورلری کملیگی اینیقسه ادارهلرنینگ رهبرلیک لوازمیده بولگنلیکلری تنقیدلرگه سبب بولیب کیلماقده.
فعال عیاللردن حمیرا ثاقب نینگ سلاموطندارگه ایتیشیچه، دولت ادارهلریده عیاللرنینگ سانی جوده آز دیر و بو موضوع ایسه عیال فعاللرینی جدی خواطریگه سبب بولگن.
اونینگ تاکیدلب ایتیشیچه، عیاللر اوچون اورگهنیش زمینهلری یره تیلیشی اولرنینگ دولت ادارهلریده ایش جایلری بیلن تامین ایتیلیشلری اوچون امکان یرهتهدی.
افغانستان حکومتی 2015- ییلگه قدر دولت ادارهلریده عیاللر حضورینی 30 فایزگه آشیریشدن سوز بیرگن ایدی. اصلاحات کمیسیون رسمیلریگه کوره، بیریلگن وعده گه کوره، دولت ادارهلریده عیاللر ایش بیلن تامین لگنلر شونینگ دیک اولرنینگ سانی آشیریلیشی اوچون سعی وحرکتلر موجود.
