غور ولایتی نینگ مرکزی فیروزکوه شهریده طالبان جنگریلری و امنیتی کوچلر آرهسیده دوامی بولگن آتیشمهلر باعث، فیروزکوه شهری نینگ غربی و شمالغربی یشاوچیلریدن یوزلرچهسی آواره بولگن.
غور ولایتی کینگش اعضاسی عبدالحمید ناطقی نینگ سلاموطندارگه ایتیشیچه، طالبان گروهی غور-هرات قتناو یولینی تصرف قیلگنیدن سونگ، فیروزکوه شهری نینگ عربی و شمالغربی منطقهسیده هجوملرینی کوپهیتیرگن و نتیجهده 200 دن آرتیق عایله آواره بولگن.
اونینگ کوپهیتیریشیچه، طالبان هجومی باعث، کوپ قطار اهالی بوتون بارلیکلرینی قولدن بیریب و حاضرده یمان وضعیتده حیات کیچیرهدیلر.
شونینگدیک، غور مدنی فعاللریدن بولمیش محمدحسن حکیمی و محمد وزیر نورانی نینگ آوارهلر وضعیتیدن خواطر بیلدیریب ایتیشیچه، جایسیز بولگنلرگه یاردم بیریلمهگن صورتده، انسانی فاجعه یوز بیریشی ممکن.
اولرنینگ ایتیشیچه، آواره بولگن عایلهلر بوتون داراییلرینی قول دن بیرگن و حاضرده فیروزکوه شهری نینگ باشقه منطقهلریده جایلشگن.
عینحالده، غور حاکمی سوزلاوچیسی محمدعارف عابرنینگ ایتیشیچه، آواره بولگنلردن بیرقطاریگه یاردم بیریلگن و فیروزکوه شهرینی طالبان وجودیدن تازهلش اوچون تیزلیککه حربی عملیات یولگه قویلیشی ممکن.
غور محلی مسووللری و ولایتی کینگش اعضالری نینگ ایتیشیچه، طالبان گروهی غور-هرات قتناو یولی نینگ کمنج منطقهسیده، بولگن کوپریک نی تخریب قیلگن و اهالی کوپ قطار قیینچیلیک بیلن روپهره بولگن.
