دوشنبه کونی ایرتهلب افغانستان پارلمانی اطرافیده یوزبیرگن 10 پارتلش نتیجهسیده امنیتی کوچلردن 2 تهسی یره لنگن. بیرینچیدن پارلمان ایشیگی یقینیده کوچلی پارتلش صادر ایتیلیب، اوندن کیین محلدن باشقه 9 پارتلش سیسی ایشیتیلگن.
پارتلش یوزبیرگندن کیین، قوراللی کیشیلر پارلمان یقینیدهگی بیر بناگه جایلهشیب امنیتی کوچلر بیلن توقنشگنلر.
دوامی پارتلشلر همده منطقه ده یوز بیرگن اوق آتیشلر پارلمان عمومی ییغیننی برهم اوروشگه سبب بولدی. بوگون ایرتهلب افغانستان مدافعه وزیرلیگی نامزد وزیری معصوم استانکزی، جمهور رییس نینگ ایکینچی اورین باسری سرور دانش آرقهلی نمایندهلر مجلسیدن ایشانچ آوازی آلیش اوچون تانیشتیریلیشی کوتیلردی.
سلام وطندار خبرچیسی نینگ واقعه ییریدن خبر بیریشیچه، بو هجوم ده، پارلمان اعضالریگه زیان ییتمه گن.
بیرقطار عینی گواهلرنینگ ایتیشیچه، بو هجوم USAID دفتری اونگی پارلمان ایشیگی یقینیده یوزبیرگن.
حاضرگچه بو واقعه تلفاتی توغریسیده معلومات بیریلمهگن. امنیتی کوچلرنینگ ایتیشیچه، پارلمان قرشیسیدهگی بناگه کیریب آلگنلر هجومچیلربرچهسی هلاک.
عین حالده، پارلمان نمایندهلریدن بیرقطاری نینگ ایتیشیچه، اولر بوندن آلدین واقعه یوزبیریشیدن خبردار ایکن، شونینگدیک امنیتی رسمیلرگه هم واقعه یوزبیریشیدن خبر بیریلگن.
بوگون یوزبیرگن پارتلش یوزبیرگن محل اطرافیدهگی 40 مترلیک بنالر شیشهسی نی سینیب توشگن. هجوم، انتحارچیلر اولدیریلیشی بیلن اوز پایانیگه ییتگن. حادثه ییری ملی کوچلر طرفیدن قورشب آلینگن.
قوراللی طالبلر عاموی اخبارات واسطهلریگه خبرنامه یوللب، هجوم مسوولیتینی اوز ذمهسیگه آلگن.
