سنا مجلسی دولت بلند مرتبهلی رسمیلرینینگ امتیاز قانون مادهسینی کوپیتیریشی بیلن ایکی مجلسنینگ اعضاسی تقاعددن امتیازیگه ایگه بولیشلرینی تصدیقلهدی.
اوشبو ماده موافق حاضر دولتگه مالیه تولیدیگن ایکی مجلسنینگ اعضاسی کیلهجکده تقعد حقوقینی قولگه کیریتیشلری ممکن.
مذکور ماده بوگون (یکشنبه) سنامجلسینینگ عمومی ییغینیده کوپچیلیک آواز بیلن تصدیقلندی.
سنامجلسینینگ اورین باسری محمدعلم ایزدیارنینگ ایتیشیچه، دولت بلند مرتبهلی رسمیلرینینگ سابق امتیاز قانونیده، ایکی مجلس اعضالریگه هم تقاعد امتیازی بیریلمهگن، لیکن مجلسنینگ بوگونکه عمومی ییغینیده نمایندهلرنینگ کوپچیلیگی اوشبو حق قانونی دیگنلر.
سناتورلر مذکور ماده کوپیتیریلیشیدن تشقری، دولت بلند مربتهلی رسمیلری امتیاز قانونی رسمی جریده ده نشر ایتیلگندن سونگ عملی ایتیلیب ایکی مجلسنینگ هم ایش دورهسی خذمت دورهسی صفتیده حساب بولیشینی کیرهک دیگنلر.
شونینگدیک سناتورلر پول یوویش قانونیگه حکمت تامانیدگن کیریتیلگن اوزگریشنی تصدیقلهگنلر.
حکومت بوندن آلدین مذکور قانوننینگ قیرقینچی مادهسی ماه اوزگریش کیلتیریب؛ قانون جمهور رییس تامانیدن تصدیقلنگندن کیین علمی ایتیلیشی کیرهک دیگن ایدی، اما نمایندهلر مجلسی مذکور قانونی 1381 ییلدن عملی بولیشینی ایتگن ایدی.
اما، سنا مجلسی بیر ماده کوپیتیریش و قانونگه اوزگیریش کیتیش بیلن مذکور قانونی جرمی درآمدی بولمهگه کیشیلر اوچون 1381-ییلدن اعتبارن تطبیق ایتیلیشینی بیلدیرگن ایدی.
باشقه تاماندن، سنامجلسینینگ مذکور قراری قطار سناتورلر مخالفتیگه روپه ره بولدی. مجلسنینگ اعضالریدن رحمتالله اسکزی نینگ ایتیشیچه، افغانستان اساسی قانونی همده فقه حنفی قانونگه استوار بولمسه، سنامجلسی تامانیدن تصدیقلنمسلیگی شرط.
پول یوویشنی توسیش قانونی 1383-ییلده جمهور رییسنینگ تقنینی فرمانی اساسیده اوتگن ییل جوزا آییده ایکی مجلس تامانیدن تصدیقلندی.
