بوندن نیچه وقت آلدین افغانستان عالی تحصیلات وزیرلیگی تمانیدن اوتکزیلگن 1393- ییل کانکور سیناویده تقلب یوز بیرگنی باعث 7985 کیشی نتیجه سیز قالگن. نتیجه اعلان ایتیلیشیدن کیین نتیجه سیز قالگن یاشلر اعتراضگه قول اورگنلر.
اوشبو اعتراضچیلرگه کوره، تقلب قیلمهگنلر و عالی تحصیلات وزیرلیگی تامانیدن اعلان قیلینگن نتیجه نی هم تن آلمیدیلر.
کابل ولایتیدن سیناوگه کیرگنلردن ایمل نینگ ایتیشیچه، سیناونینگ نتیجهسی «تقلب» رویخطگه آلینگن. اونگه کوره، سیناو وقتیده بیزنی تورت نظارتچی کوزهتیب بارردی، اصلا تقلب قیلیش ممکن ایمس ایدی دیدی ایمل.
اعلان قیلینگن نتیجهنی تن آلمیدیگنلردن بیری قیوم؛ اونینگ سوزلریگه کوره، قیینچیلیکلریگه ایجابی جواب بیریلمسه هیچ قندهی حرکتدن قول کوتارمیدیلر.
بیرینچی صنفدن اون ایکینچی صنفگچه بیرینچی مقامده بولگن فریحه تقلب ایش بیرگن حالده بیزگه کورسه تیلیشی لازم؛ بولمهگنده بیزنینگ حقیمیزگه جفا بولیب دییه گپیرهدی.
عالی تحصیلات وزیرلیگینینگ سوزلاووچیسی محمد عظیم نوربخشنینگ سلام وطندارگه بیلدیریشیچه، برچه نتیجهلر حجت و اسنادلر اساسیده اعلان قیلینگن، وزیرلیک بو باره ده تفصیلات بیره آلهدی.
عالی تحصیلات وزیرلیگینینگ بلند مرتبهلی رسمیلری، کانکور سیناویده اشتراک قیلگن ایریم محصللر عالی تحصیلات وزیرلیگی آرقهلی بیریلگن رهنمالیککه جدی اعتبار قرتمه گنلیکلری سبب نتیجهسیز قالگنلرینی ایتهدیلر.
ایریم ایش بیلرمانلرگه کوره، مذکور سیناوده یاشلرنینگ نتیجهسیز قالگن لیگیگه بیرینچی عامل درسلیک همده مناسب فضا بولمهگن لیگی سبب بولگن.
بو ییل اوتکزیلگن کانکور سیناویده 246229 اوقیتوچی قتنشگن بولردن 92 مینگی عالی و نیمه عالی بیلیم یورتلرگه کیریشگه موفق بولگنلر.
