.JPG)
قندوز ولایتینینگ امام صاحب تومنیده امنیتی کوچلر و طالبلرنینگ آرهسیده یوز بیرگن قتیق اوروش نتیجهسیده، 23 جنگری طالب هلاک و باشقه 26 جنگری یرهلنگن.
امامصاحب تومنینینگ ولسوالی امانالدین قریشینینگ سلاموطندارگه ایتیشیچه، مذکور تومننینگ مرکزیگه تیگیشلی بخمل کوچه، آقیبای، روضه، آب فروش و نوآباد منطقهلریده 5 کیچه و کوندوز دن بویان امنیتی کوچلر و طالبلرنینگ آرهسیده اوروش دوام ایتماقده و اوتگن کیچه طالبلرنینگ هجومی آرقهگه چیکیلتیریلگن و اوروش امنیتی کوچلرنینگ منفعتیگه آلغه بارماقده.
امام صاحب ولسوالینینگ ایتیشیچه، طالبلر اهالی اویلریده جایلشگنی سبب، اوروش چوزیلگن؛ بیراق امنیتی کوچلر آقیبای قیشلاغیدن بیر قسمینی نظارتگه آلگن.
جناب قریشینینگ ایتیشیچه، نیچه کونلیک اوروش نتیجهسیده، امامصاحب بازاری یاپیق ایکن و بوگون آچیلگن.
بیراق، امامصاحب تومنینینگ آقیبای قیشلاغیدن بولگن قندوز ولایتی کینگشی اعضاسی محمدیوسف ایوبینینگ ایتیشیچه، امنیتی کوچلر حاضرگچه ایلگری باره آلمهگنلر. امامصاحب تومنینینگ شمالی قسمتلریده اویمه اوی اوروش نتیجهسیده، 50 دن آرتیق اوی اوتگه یانگن و شونینگدیک، 300 اوی ویران ایتیلگن.
جناب ایوبیگه کوره، حاضرگچه 2 مینگدن آرتیق عایله بار و یوقلرینی ترک ایتیب محلدن قاچگنلر و بیرقطاری هم اوروشده بند بولیب قالگنلر.
قندوز ولایتی کینگشینینگ اوشبو اعضاسیگه کوره، امامصاحب تومنینینگ اوروشی نتیجهسیده بدرغه بولگنلرگه حاضرگچه هیچ قندهی یاردم بیریلمهگن.
قوراللی طالبلر، 5 کون آلدین، امامصاحب تومنینینگ مرکزی اوستیگه هجوم قیلگنلر و اوندن کیین، اهالی اویلریده جایلهشیب و امنیتی کوچلرگه قرشی اوروشگه دوام بیرگنلر.
