لوگر ولایتینینگ مرکزیده جایلشگن بیرینچی امنیتی حوزه اوستیگه طالبلر هجوم قیلگن و بو هجوم نتیجهسیده، 4 کیشی هلاک و 12 کیشی یرهلنگن.
اوشبو هجوم بیرینچیدن امنیتی حوزه ایشیگی اونگیده پارتلاوچی ماده تولدیریلگن موتر پارتلهشی بیلن باشلنگن و اوندن سونگ، اوچ هجومچی حوزهگه کیرگن.
هلاک بولگنلرگه اوشبو ولایت بیرینچی حوزه آمری خانآقا هم شامل دیر. امنیتی رسمیلرگه کوره، مذکور واقعه ده قربان بولگنلرنینگ باشقه سی تینچ اهالی دیر.
لوگر پولیس قومندانلیگینینگ سوزلاوچیسی شاهپور احمدزینینگ سلاموطندارگه ایتیشیچه، نیچه ساعت آتیشمهدن سونگ هجومچیلر هلاک ایتیلگن. جناب احمدزینینگ ایتیشیچه، مذکور پارتلش بیر تونس موترده ییرلشتیریلگن ماین پارتلهتیلیشی بیلن یوز بیرگن.
پلعلم یشاوچیلریگه کوره، پارتلش جوده هم کوچلی ایکن و اونینگ سیسی اوزاق منطقهلرنی تیتیرهتگن.
طالبان گروهی، مدیالرگه بیر پیام یوللب اوشبو هجوم مسؤولیتی نی بوینیگه آلگن. مذکور گروه سوزلاوچیسی ذبیحالله مجاهدنینگ ایتیشیچه، اوشبو گروه جنگرهلری امنیتی کوچلرنی هدف آستیده قرار بیرگن.
