قندوز ولایتیده یول چیککهسیده ییرلشتیریلگن ماین پارتلهشی و شونینگدیک سرپل ده بم جایلشتریلگن موتر پارتلشی عاقبتیده، 15 تینچاهالی هلاک و باشقه 15 تینچاهالی یرهلنگن.
قندوز ولایت مقامی نینگ مطبوعات دفتری بیرخبرنامه آرقهلی ایتیشیچه، اوتگن کونی عصر چاغی، خانآباد یشاوچیلریدن قطاری بیر توی مراسمیده اشتراک قیلیش اوچون مذکور تومندن امامصاحب تومنی تامان بارهدیگن بیرچاغده، اولرنینگ موتری یول چیککهسیده جایلشتیریلگن ماین گه دوچ کیلگن.
خبرنامهده کوپهیتیریلیشیچه، اوشبو واقعه امامصاحب تومنی نینگ «آیخامچال» منطقهسیده یوزبیرگن کیم نتیجهده 12 عیال، 2 باله و بیر ایرکک شامل 15 کیشی هلاک و باشقه 2 کیشی یرهلنگن.
خبرنامهده کیلیشیچه، اوشبو ماین طالبان گروهی تامانیدن ییرلشتریلگن ایکن، بیراق طالبان گروهی حاضرگهقدر بوغریده فکر بیلدیرمهگن.
باشقه بیر خبر اساسیده، سرپلده بم جایلشتیریلگن بیر موتر پارتلهشی عاقبتیده 6 باله شامل 13 تینچ اهالی یرهلنگن.
سرپل ولایتی کینگش باشلیغی محمد نور رحمانی نینگ ایتیشیچه، طالبان گروهی اوشبو موترنی سرپل شهریده پارتلهتیش گه قرار قیلگن ایکن، بیراق مقصدگه ییتیشمسدن آلدین سرپل-جوزجان قتناو یولیده پارتلهگن.
اونینگ ایتیشیچه، مذکور حادثهده یشش اویلردن قطاری تخریب ایتیلگن. سرپل پولیس قومندانلیگی سوزلاوچیسی نورآغا اوشبو خبرنی تصدیقلهگن.
طالبان گروهی حاضرگهقدر بوتوغریده صحبت قیلمهگن.
