.jpg)
غور مرکزی فیروزکوه شهری یشاوچیلریدن بیرقطارینینگ ایتیشیچه، طالبان هجومی نتیجهسیده، عیاللر و بالهلر شامل 16 تینچ اهالی و 5 پولیس هلاک ایتیلگن.
اولرنینگ ایتیشیچه، اوشبو هجوم اوتگن کیچه فیروزکوه شهرینینگ غربیده جایلشگن «شبشدگی و بایکای» قیشلاغیده اویوشتیریلگن و بو واقعهده باشقه 20 تینچ اهالی یرهلنگن دیر.
غور ولایتی کینگش اعضاسی عبدالبصیر قادری نینگ بو خبرنی تصدیقلب ایتیشیچه، بو واقعهده 16 دن آرتیق تینچ اهالی یرهلنیب و طالبان گروهیگه هم تلفات ییتیشگن، بیراق بیللی ارقام قولگه یوق دیر.
غور ولایتی کینگش اوشبو اعضاسی، فیروزکوه شهرینینگ طالبان قولیگه سقوط قیلیشیدن آگاهلنتیرگن.
غور محلی و امنیتی مسووللری بو خبرنی تصدیقلیدی، بیراق معلومات ارایه قیلمهیدی.
غور حاکمی سوزلاوچیسی عبدالحی خطیبی نینگ ایتیشیچه، بو هجومده ایکی تامان تلفات کورگن، بیراق حاضرگهقدر بیللی ارقام قولگه یوق دیر.
غور ولایتی بوییچه ساغلیقنی سقلش اداره باشلیغی جمعهگل یعقوبی نینگ ایتیشیچه، حاضرگهقدر بو واقعهدن 16 یرهدار کسلخانهگه انتقال بیریلگن.
جناب یعقوبی نینگ ایتیشیچه، یرهدارلردن بیرقطاری نینگ وضعیتی خواطرلنترووچی دیر.
