بامیان ولایتی نینگ امنیتی پوستهلریگه طالبلر گروهی هجوم ایلتیدی.
مذکور هجوم سهشنبه کون ایرتهلب ساعت 8:50 ده بامیان شیبر تومنینینگ سنگپر پوسته سیده باشلندی و کیش قورونگه قدر دوامی بار ایدی.
بامیان پولیس باشلیغی خدایار قدسینینگ سلاموطندارگه ایتیشیچه، جنگری طالبلر چیریکی گروهی ایرتهلب امنیتی کوچلر ارا توقنه شو نتیجه سیده دولت خوفسیزلیک کوچلریدن ایکی کیشی تن جراحت آلگن.
جناب قدسی هجوم ایلتگن گروه تلفاتی توغری سیده انیق معلوماتی یوقلیگینی بیلدیردی.
سونگی نیچه کون مابینیده طالبلر، اولکه ایریم منطقه سیده چیریکی هجوم ایلتدی. اوتگن هفته پنجشنبه سیده، بلخ استیناف محکمه سیده یوروش ایلتیشلری نتیجه سیده 18 کیشی هلاک بولدی و 65 کیشی هم تن جراحت آلدی.
شونینگدیک بدخشان جرم تومنیده اردو کوچلرینینگ امنیتی پوستهلریگه هجوم ایلتیشلری بیلن اردو عسکرلریدن نیچه تهسینی سویدی.
