کندوز ایریم منطقهلریده حاضرهم امنیتی کوچلر بیلن جنگری طالبلر ارا توقنهشوولر دوام ایتماقده.
کندوز پولیس سوزلاوچیسی سید سرور حسینینینگ سلاموطندارگه ایتیشیچه، کندوز گورتیپه، خانآباد، قلعهذال و امامصاحب منطقهلریده، اوتمیش 4 کون ده اویشتیریلگن آغیر توقنهشوولر جریانیده چیچینلیک، اوزبیکستانلیک، تاجکستانلیک و قرغیزستانلیک جنگریلر قوشیمچه 50 دن آشه طالب هلاک بولگن.
جناب حسینیگه کوره، اولگنلر ارا ایکی تشقیلیک جنگری عیال هم موجود.
شونینگدیک کندوز والی سینینگ سوزلاوچیسی عبدالواسع باسلنینگ سلاموطندارگه ایتیشیچه، مذکور توقنهشوولرده اردو کوچلریدن 8 کیشی هلاک بولگن.
دوشنبه کون توشدن کیین جنگری طالب گروهی امامصاحب تومنیده هجوم ایلتیشلری بیلن مذکور تومن ایریم منطقه سینی تصرف قیلیشگه موفق بولگن ایدی. اویشتیریلگن هجوم نتیچهسیده، افغان امنیتی کوچلری جنگریلرگه قرشی تهاجمی عملیات یولگه قویب، مذکور ولسواللیکدن جنگری طالبلرنی قووب یوبارگنلر.
کندوز پولیس سوزلاوچیسینینگ ایتیشیچه، کوپلب نظامی حربیلر ساحهده ایتیب بارگن و طالبلرگه قرشی یوکسک عملیات اویشتیریلگن.
امامصاحب یشاوچیلرینینگ سلاموطندارگه ایتیشیچه، حاضرهم امامصاحب اوزاغ منطقهلریده توقنه شوولر دوامی بار.
اوتمیش نیچه کون مابینیده جنگری طالبلر کندوز ایریم منطقهسیده هجوم ایلتگن ایدی. اردو کوچلرینینگ کوپلب باشلیغلری هم طالبلرگه قرشی کورهشیش اوچون کندوزگه بارگنلیکلری ایتیلماقده.
