طالبلر بدخشان جرم تومنی نینگ امنیتی پوستهلریگه یوریش ایلتیشی بیلن اردوکوچلریدن 58 ته سینی اولدیردی.
نمایندهلر مجلسی نینگ منشیسی عبدالرؤوف انعامی ایتیشیچه، طالبلر اردو کوچلریدن قولگه آلگن عسکرلرنی یمان بیر حالتده اولدیرگن و باشقه 28 عسکرنی سویگن.
بدخشان ولایت رسمیلری هم خبرنامه ترقهتیشی بیلن طالبلر، اردو کوچلرینینگ یره کوترگن و اسیرلربولگن عسکرلرباشینی کیسیب « تنی بولمهگن باش و باشی بولمهگن تن لربیلن وحشیلیک بیلن کیلیشیک قیلگنلر».
شونینگدیک کینگش ینه بیر عضوی نادرشاه بحر ایتیشیچه، عسکرلرجسدیگه قرهگنده یمان حالتده اولدیریلگنلیگینی کورستهدی.
جناب بحر کوپه یتیریشیچه، بولکلنگن جسدلر کابل 4یوز بسترکسل خانه سیده کیلتیریلیب، عایله اعضالریگه تاپشیریش اوچون داکترلر کیسیلگن بدنلرنی تیکماقده.
مجلس اعضاسی صفیالله مسلمیار گه کوره، مذکور فاجعه بدخشان دهگی اردو و پولیس باشلیغلری نینگ سهلانگارلیگی و فسادگه قولی بولگنلیگی دلیل یوزبیرگن.
انه شوحالده نمایندهلر مجلسی گه کوره، اولکه اینیقسه بدخشان امنیتی وضعیتی اوچون خواطرده لر و ملی بیرلیک حکومت باشلیغی بیلن اوشبو موضوع توغری سیده سوزله شیشنی سورهگنلر.
اوتگن کون کینگش باشلیغی عبدالرؤوف ابراهیمی هم، باید امنیتی مسؤوللر و جمهور رییس امنیتی مصلحتچیسی بدخشان دهگی وضعیت توغری سیده مجلسده کیلیب وضاحت بیرسینلر تا اونگه کوره تصمیم آلینیشینی تیلگه آلدی.
شونینگدیک بدخشان ولایت سوزلاوچیسی نوید فروتننینگ سلاموطندار گه ایتیشیچه، امنیتی کوچلر بیلن طالبلر ارا اوروش تاخته تیلگن.
اونگه کوره، مذکور توقنه شوولرده اردوکوچلریدن 18 ته سی هلاک بولگن و باشقه 10 عسکریوقالگن. اونینگ کوپه یتیریشیچه، طالبلر مذکور عسکرلردن8 ته سینی سویگن.
فروتن کوپه یتیریشیچه، مذکورتوقنه شوده 8 تشقیلیک جنگری قوشیمچه، 20 جنگری طالب اولدیریلگن.
بدخشانده 250 تشقی جنگری نینگ حضوری بار
بدخشان محلی رسمیلری ایتیشیچه، مذکور ولایت جرم تومنیده تشقی جنگریلردن 250 کیشی نینگ حضوری بار.
بدخشان والیسی نینگ اورین باسری گلمحمد بیدارنینگ سلاموطندارگه ایتیشچه، تشقی و ایچکی جنگریلر اصلی پایگاهسی جرم تومنی نینگ خستک دره سیده ایکن.
اونگه کوره، مذکور دره ده 250 تاجکستانلیک، اوزبیکستانلیک و چچن اولکه داشلیک تشقی جنگریلردن، قورالی عصیانچیلرگه اورگهتیش و اوروش بویروغینی بیریش اوچون کیلگنلر.
جناب بیدارگه کوره، خستک درهسی پاکستان مغنعول اورمانی( جنگل) یقینیده جایلشگنلیگی اوچون تروریستلر آسانلیک بیلن افغانستان و پاکستاندن باریب کیلهدیلر.
شونینگدیک بدخشان ولایت رسانهوی دفتری نینگ ترقه تگن خبرنامه سیده کیلیشیچه، بدخشان جغرافیایی موقعیتی تروریستلر توجه سینی اوزیگه قرهتگن.
مذکور خبرنامهده کیلیشیچه، « بدخشان اوروشی منطقه و دنیا بویلب استخباراتی و اقتصادی منفعتلر بارلیگی دلیل، اوروش دوام ایتیب بارماقده».
بدخشان ولایتینینگ جرم تومنیده تشقی جنگریلرقوشیمچه طالبلر بیلن امنیتی کوچلر ارا توقنه شولر 21- حملدن باشلهنیب شوپیتده باشلندی که، مذکور ولسوالیک امنیتی پوسته لریگه هجوم ایلتدیلر. مذکور توقنه شوو اوچ کون دوام تاپدی.
