بیرلشگن ملتلر تشکیلاتی بالهلردن حمایت قیلیش صندوقی (یونیسف) اسپانیاده اوتکزیلگن مکتبلر خوفسیزلیگی اوچینچی ییغینیده، آتیشمه دوام ایتیب کیلهیاتگن بولیملرده مکتبلرگه قرشی هجوملر کوپهیگنیدن خبر بیریب و ایتیشیچه، افغانستانده مکتبلر و تعلیمات مرکزلری گه قرشی هجوملر میلادی 2017- ییلده 68 واقعه ایکن، لیکن بو رقم میلادی 2018- ییلده 192 واقعه گه آشگن.
یونیسف گه کوره، میلادی 2018- ییلده اوتکزیلگن نمایندهلر کینگشی سیلاویده مکتبلردن آواز بیریش مرکزلر صفتیده فایدهلنگنی باعث، مکتبلرگه قرشی هجوملر کوپهیگن.
یونیسف اجراییه مدیری نینگ ایتیشیچه، میلادی 2015- ییلدن سونگ، بو بیرینچی مرته کیم، افغانستانده مکتبلرگه قرشی هجوم رقمی آشگن.
یونیسف اجراییه مدیری هنریته فورنینگ ایتیشیچه، «تعلیمات آتیشمه سایهسیده یوز بیرهدی. مکتبلرگه قرشی هجوملر، اوقیتووچیلر قتل ایتیلیشی، اوغیرلنیشی، اولرگه زیان ییتکیزیلیشی و اورگتیش و تربیهلش برابریده بولگن باشقه تهدیدلر افغانستان بالهلرینینگ آرزو و ایستکلرینی نابود قیلگن.»
اوشبو گزارش ده کیلیشیچه، میلادی 2018- ییل اداغیگچه، افغانستانده آتیشمهلر دوامی و امنیتی وضعیت یمانلشگنی باعث، 1000 دن آرتیق مکتب یاپیلگن و نتیجهده 500 مینگ باله اورگتیش و تربیهلش دن محروم بولگن.
یونیسف تامانیدن بیریلگن رقملرگه کوره، اورگتیش و تربیهلش شرایطی گه ماس بالهلر جمعیتی دن کمیده یریمی نی تشکیل بیرهدیگن 7 و 17 یاش آرهسیده بولگن کمیده 3.7 میلیون باله مکتب باریش دن محروم قالگن.
بیرلشگن ملتلر تشکیلاتی بالهلردن حمایت قیلیش صندوقی نینگ ایتیشیچه، افغانستان حکومتی و باشقه یاردمچیلری بیلن بیرگه قوشمه شکلده محلهلرده بالهلر اوچون غیر رسمی اورگتیش و تربیهلش گه زمینه یرهتیلیشی خصوصیده سعی و حرکت قیلهدیلر.
شو توغریده…
مکتبلر حربی قرارگاهگه اوزگریلگن؛ مینگلرچه باله اوقیشدن محروم قالگن
