.jpg)
اوتگن کون «چهارشنبه» توش چاغی ساعت 12 اطرافیده، بیرقطار خودکش هجومچی کابل ینگی شهریده جایلشگن کونتر پارت دفتری گه هجوم قیلیب و امنیتی کوچلر بیلن نیچه ساعت اوروشگنلر.
اوتگن کون «چهارشنبه» پارتلاوچی ماده توله بولگن موتر پارتلهشی و کونتر پارت دفتری گه هجومچیلر تامانیدن اویوشتیریلگن هجوم نتیجهسیده کابل ینگی شهری نینگ یشاوچیلری، عیاللر و بالهلرنی اوستیدن اوتگن ماجرا دودوباروت، اوت، اوق سیسی و نهایت ده قورقینچ دن حکایت قیلهدی.
کونتر پارت دفتری اطرافیده دفترلر، دکانلر و نیچه دولتی اداره گه علاوه، بیرقطار اولتیریش اویلر هم جایلشگن.
اوشبو هجوم محل یشاوچیلری نینگ روحی گه جدی شکلده سلبی تأثیر قویگن.
.jpg)
مذکور دفتر اطرافیده یشهیدیگن عایلهلردن بیرقطاری نینگ ایتیشیچه، پارتلش دن سونگ اویلری یریم ویرانه گه ایلنگن و اولرنینگ روحی حالتی یخشی ایمس دیر.
محل یشاوچیلریدن بیری نینگ ایتیشیچه، هجومچیلر پارتلاوچی ماده توله بولگن موترنی پارتلتگنیدن سونگ، اونینگ اویی گه کیرگنلر و شوندهی بیر وضعیتده تورموش اورتاغی، اوغلی و کیلینی روحی حالتلرینی قولدن بیرگنلر.
ینگی شهر یشاوچیلریدن بیری حاجی حضرت نینگ اویی کونتر پارت دفتری یقینیده دیر؛ او، اوتگن کون عایلهسینی اوستیدن اوتگن واقعهدن اچیق حکایه قیلهدی.
حضرت گه کوره، هجومچیلر دستلب اونینگ اویی بیلن کونتر پارت دفتری نی ناتوغری توشونیب اونینگ اویی گه کیرگنلر. اونینگ ایتیشیچه، عایله اعضاسی هجوم یکونلنگونگهقدر آشخانه ده یاشینگنلر.
اوشبو هجوم ده عایلهلرنینگ یانیده دکاندارلر هم زیان کورگن، دکانلرنی شیشهلری سینیب توشگن.
.jpg)
دکاندارلرنینگ ایتیشیچه، 100 مینگ افغانی دن 150 مینگ افغانی گچه زیان کورگنلر و ایریم نرسهلری اوغیرلنگن.
شهردارلیک ایشلاوچیلر هر بیر پارتلش و خودکش هجوملردن سونگ، واقعه یوز بیرگن محلنی تازهلب و یوز بیرگن واقعهدن اچیق حکایه قیلهدیلر.
اولرنینگ ایتیشیچه، پارتلش و خودکش هجوملردن سونگ، واقعه محلی دن توپلهگن نرسهلری اولرنی جوده هم قیغوگه سالیب و روحی وضعیتلری گه سلبی تأثیر قویهدی.
ایتیش کیرهک کیم، اوتگن کون طالبان گروهی تامانیدن اویوشتیریلگن هجوم ده 9 کیشی هلاک و باشقه 20 کیشی یرهلنگن.
