میلادی 2017- ییلنینگ بیرینچی آلتی آییگه نسبتن میلادی 2018- ییلنینگ بیرینچی آلتی آییده تینچ اهالی قربانلیگی 3% کمهیگن.
افغانستان بوییچه بیرلشگن ملتلر تشکیلاتینینگ دفترینی اورین باسرلیگی ینگی گزارشیده ایتیشیچه، میلادی 2018- ییلنینگ بیرینچی آلتی آییده آتیشمهلر نتیجهسیده 1692 کیشی هلاک و 3430 کیشی یرهلنگن. اوشبو رقم اوتگن ییلگه نسبتن توپلم شکلده قربانلیک رقمی 3% کمهیگنی و هلاک ایتیلگن تینچ اهالی رقمی 1% کوپهیگنینی کورستهدی.
اوشبو گزارشده ایتیلیشیچه، میلادی 2018- ییلنینگ جون آیینی 15 دن 17 سیگچه طالبلرنینگ برابریده دولتنینگ اوچ کونلیک آتیش کیسینی گه قرهمهی تینچ اهالینینگ قربانلیک رقمی شونینگدیک یوقاری دیر.
افغانستان بوییچه بیرلشگن ملتلر تشکیلاتینینگ باش کاتبینی خاص نمایندهسی تادامیچی یاماموتونینگ ایتیشیچه: «قیسقه مدتلی آتیش کیسین اوروش توختهلیشینی کورستدی و افغانستان تینچ اهالیسی اوروشدن چیققن زیان گه بوندن آرتیق چیده آلمهیدی.»
اوشبو آلتی آیده تینچ اهالی قربانلیگینینگ اصلی عاملی دولت گه قرشی قوراللی عصیانچیلر تامانیدن پارتلاوچی مادهلر فایدهلنیشی دییلگن.
تینچ اهالی قربانلیگینینگ ایکینچی عاملی ییر اوروشلری، تیزیملی سِرلی قتللر، هوایی عملیاتلر و اوروشدن قالگن پارتلاوچی مادهلر حسابلنهدی. یوناما گزارشی اساسیده، کابل، ننگرها، فاریاب، هلمند و قندهار ولایتلریده تینچ اهالی اوروشدن کوپراق زیان کورگن.
یوناما گزارشی تورلی حادثهلرده تینچ اهالی قربانلیگی کمهیگنی اینیقسه ییر آتیشمهلریده تینچ اهالی قربانلیگی 18% کمهیگنینی کورستهدی، بیراق اوشبو گزارش دولت گه قرشی قوراللی عصیانچیلر تامانیدن اویوشتیریلگن پارتلش و خودکش هجوملر نتیجهسیده تینچ اهالینینگ قربانلیک میزانی آشگنینی بیلدیرهدی.
اوشبو گزارش توغریسیده یونامانینگ انسان حقلری بولیمی باشلیغی دانیل بل نینگ ایتیشیچه: «میلادی 2018- ییلنینگ بیرینچی آلتی آییده قوراللی جنجللرده بالهلر قربانلیگی افغانستانده کوپینچهلرنی خواطرگه سالگن؛ چونکه افغانستانده اوغیل و قیز بالهلر اوروش تامانلری تامانیدن هلاک ایتیلیب، یرهلنتیریلیب، جنسی زورهوانلیککه دوچ کیلیب، فایدهلنیلگن، ایش گه آلینگن و سوء استعمال ایتیلگنلر.»
شونینگدیک، یوناما سیلاولرگه تیگیشلی زورهوانلیکلر نتیجهسیده 341 تینچ اهالی قربانگلی جملهدن (117 کیشی هلاک و 224 کیشی یرهلنگنینی) رویخطگه آلگن. اوشبو زورهوانلیکلر 14- اپریلده آواز بیرووچیلرنینگ رویخطگه آلیش جریان باشلنگنیدن سونگ، یوز بیرگن.
یونامانینگ معلوماتی اساسیده، تینچ اهالی قربانلیگینینگ 67% دولت گه قرشی قوراللی عصیانچیلرگه نسبت بیریلگن و بو رقمدن 42% طالبلرگه، 18% داعش گروهی گه و باشقه 7% دولت گه قرشی نامعلوم تشکیلاتلرگه نسبت بیریلگن.
یوناما، اوشبو قربانلیکدن 1047 قضیهنی حکومت گه طرفدار کوچلرگه نسبت بیرگن و بو رقم میلادی 2017- ییل رقمی گه ماس کیلهدی.
میلادی 2018- ییلنینگ بیرینچی آلتی آییده تینچ اهالی قربانلیگینینگ 20% گه حکومت گه طرفدار کوچلر سبب بولگن و بو جملهدن (17% ملی خوفسیزلیک کوچلری تامانیدن، 2% خلق ارا حربی کوچلری تامانیدن و 1% حکومت گه طرفدار قوراللی گروهلر تامانیدن یوز بیرگن).
