.jpg)
روزه آیینینگ بیشینچی کونیده افغانستان باشکینتی اینگ قانلی پاتلش هجومگه گواه بولدی و بو پارتلش نتیجهسیده، چمهسی 90 کیشی هلاک و 450 دن آرتیق کیشی یرهلندی.
افغانستان ینه بیر بار دنیا میدیالری نینگ باش خطی ده آلینیب و فرانسه ده ایپل برجی نینگ چراغلری اوچیریلدی.
شونینگدیک، دنیا رهبرلری اوشبو قانلی واقعه توغریسیده، افغانستان خلقیگه قیغوداشلیک پیاملر یوباردیلر.
مملکت یشاوچیلری، فیسبوک و تویتر اجتماعی صحیفهلریده، پارتلش قربانلرینینگ صورتلرینی قوییب و بو واقعهگه قتیق عکسالعمل بیلدیرگنلر. عین حالده، امنیتی ادارهلرنینگ ایشلریدن جدی شکلده تنقید قیلیب و بو ادارهلرنینگ رسمیلری وظیفهلریدن چیکلنیشلرینی سورهگنلر.
اجتماعی ترماقلرنینگ ایشلاوچیلری، ناراضیلیک نمایش یولگه قوییب و دولتدن عصیانچیلرنینگ محبوسلری دارگه تارتیلیشلرینی طلب قیلگنلر.
نمایندهلر کینگشیده پنجشیر اهالیسینینگ نمایندهسی ظهیر سادات، مملکت شهرلریده پارتلشلر و ناتینچلیکلر میزانی آشگنی خصوصیده، جمهور رییسنینگ عیبدار بیلیب ایتیشیچه، جمهور رییس سلیقه اساسیده، کشفی ادارهلرده کیشیلرنی تعیین ایتهدی.
مملکتده یوز بیرگن خودکش و پارتلش واقعهلردن کیین، حکومت باشلیغلری، یالغیز تصویری پیاملر و خبرنامهلر ترقهتیب و باشقه یشاوچیلردیک واقعهلرنی قارهلیدی.
.jpg)
بیراق، اوتگن کون کابلده یوز بیرگن قانلی واقعه توغریسیده، جمهور رییسنینگ تصویری پیامی اجتماعی ترماقلر ایشلاوچیلرینینگ جدی عکسالعمللریگه روپهره بولدی و جمهور رییسنینگ بیاناتلرینی کلیشهیی و قورقاقلیک دیگنلر.
سیاسی ایش بیلرمان فیض محمد زلاند، کابلده یوز بیرگن قانلی واقعهدن سونگ، جمهور رییسنینگ تصویری پیامینی حکومتنینگ ایش سیزلیگی اوستیگه قبقاق قوییب و اجتماع فکرینی هر تامانگه آلیب کیتیش دییدی.
جناب زلاندگه کوره، اوتگن کیچه مملکت یشاوچیلری، جمهور رییسدن یوز بیرگن واقعه توغریسیده جدی شکلده عکسالعمل بیلدیریشینی کوتردی.
اوشبو سیاسی ایش بیلرمانگه کوره، ملی بیرلیک حکومت برچه بولیمده ناکام قالگن، بیراق حکومت باشلیغلری، ناکاملیک مسؤولیتینی تَن آلمهیدیلر.
جناب زلاندنینگ کوپهیتیریشیچه، جمهورلیک ریاستی، مملکت یشاوچیلریگه اهمیت قایل بولمهی و سیاسی ایشلری بیلن بند بولیب قالگن.
شونینگدیک، سلاموطندار بیلن صحبت اوتکزگن مملکت یشاوچیلری، ملی بیرلیک حکومت باشلیغلریدن جدی شکلده تنقید قیلیب و حکومت رهبرلریدن، جرملری اثبات ایتیلگن ترورچی گروهلرگه تیگیشلی محبوسلرنی دارگه آسیشلرینی طلب قیلگنلر.
عین حالده، جمهورلیک ریاستیدن بیر منبعنینگ ایتیشیچه، مملکت جمهور رییسی محمد اشرف غنی، ینگیلیکده حقانی ترورچیلیک ترماغیگه تیگیشلی 11 کیشی توغریسیده تیکشیروولرینی باشلهگن.
افغانستان استخبارات تشکیلاتینینگ معلوماتیگه کوره، اوشبو هجوم پاکستانده حقانی ترورچیلیک ترماغی تامانیدن ریجهلنگن ایکن.
