.jpg)
ملی پولیس نینگ بیر قنچهسی نیچه آی اوتیشیگه قرهمسدن هلیگیچه هم امتیازی حقوقلری تولنمهگن لیگیدن شکایت قیلگنلر.
بوندن نیچه آی آلدین حکومت، امنیتی کوچلرنینگ معین آیلیکلریدن علاوه بولرگه بیر قنچه مبلغ امتیاز صفتیده تولهنیلیشی بارهسیده قرار قبول قیلگن ایدی. کیین بو قرارنی ملی مدافعه وزیرلیگی کوچه کیریتیشگه موفق بولیشدی.
لیکن، ایچکی ایشلر وزیرلیگی حکومت نینگ بو قرارینی هنوزگچه عملگه آشیرمهگن. بو ایش ایسه ملی پولیس حربیلرینینگ خواطریگه باعث بولگن.
نامی سِر سقلهنیش شرطی بیلن سلاموطندارگه صحبت بیرگن پولیس نینگ بیر قنچهسی، حکومت رسمیلری معین آیلیک یانیده پولیس کوچلریگه بیر مقدار امتیاز حقوق بیریلشی اوستیده قرار قبول قیلگندی؛ لیکن مسالهدن نیچه آی اوتیشیگه قرهمسدن بو حق هنوزگچه تولهنیلمهگن لیگینی تیلگه آلگنلر.
معین آیلیکلری هم تعیین ایتیلگن زمانده بیریلمس لیگینی ایتگن بو پولیسلر.
امنیتی کوچلرگه امتیازی حقوق بیریش موضوعی بوندن نیچه آی آلدین مملکت ملی مدافعه وزیرلیگی، بو وزیرلیک نینگ مصرفیدن تیجلگن مبلغ ملی کوچلرگه امتیازی حقوق صفتیده بیریلیشینی حکومتگه تکلیف قیلگن ایدی. شونینگدیک بو تکلیف جمهور رییس آرقهلی تصدیق بولگندی.
بوندن کیین مملکت ایچکی ایشلر وزیرلیگی هم بو زیرلیک نینگ ملازملریگه امتیازی حقوقی بیریلیشینی جمهور رییسگه تکلیف قیلدی؛ لیکن بو ایش هنوزگچه عملی بولمهگن.
افغانستان ایچکی ایشلر وزیرلیگی نینگ سوزلاووچیسی صدیق صدیقی، بولر مالیه وزیرلیگی ینه کومک بیرووچی مملکتلر همکارلیگی بیلن پولیس نینگ بو امتیازی آلیب بیریلیشی اوچون سعی و حرکت بار دیگن.
مالیه وزیرلیگی نینگ بودجه بولیمی باشلیغی ضیا عالمی، پولیس حربیلرگه امتیازی حقوق نی تولش اوچون 80 میلون افغانیگه احتیاج بار؛ لیکن، مالیه وزیرلیگی بو مبلغنی تولش قابلیتیگه ایگه ایمس دیگن. بیراق، بو بارهده یاردم بیرووچی دولتلر بیلن صحبت جریانی بار دیگن او.
جناب عالمی، ایچکی ایشلر وزیرلیگی مدافعه وزیرلیگی کبی قیلهجک مصرفلریدن تیجهگن حالده، بولر کومک بیرووچی دولتلر یاردمی بیلن پولیس گه هم امتیازی حقوق بیریشلری ممکن لیگینی تیلگه آلگن.
