بغلان ولایتی ایکینچیلیک ریاستی اورمانچیلیک و طبیعی منبعلر مدیری محمدیونس ایماقنینگ سلاموطندارگه ایتیشیچه، جاری ییل پسته محصولاتی، اوتکن ییلگه قرهگنده کوپیگن.
اوتکن ییل، بغلان ولایتیده توپلنگن بیرمینگ تُن پسته عایدی 70 میلیون افغانیگه ییتیشگن ایکن. دیمک توپلنگن محصولاتگه، بغلان ولایتیدهگی اورمان چیلیک، باغدارلیک و ایکینچیلیک کمیتهلر محصولاتی شامل بولهدی.
جناب ایماقنینگ ایتیشیچه، بغلان ولایتی ایکینچیلیک ریاستی اورمانچیلیک متخصصلرینینگ تیکشیرونی کورسهتیشیچه، جاری ییل پسته محصولاتی 1500 تُنگه ییتیشهدی. اوشبو محصولات عایدی، یوزمیلیون افغانیگه ییتیشی ممکن.
جناب ایماقنینگ ایشانچیگه کوره، هوا وضعیتی یخشیلیگی، قیش و کوکلم موسومیدهگی یامغیرلر، اورمانچیلیک کمیتهلر ایجاد ایتیلیشی، اورمانلر سقلهنیشی، اورمان کیسیشنی باشقریش، پسته اورمانلری اهمیتی توغریسیده خلقنی آگاهلنتیریش بغلانده پسته محصولاتی کوپهییش دلیلی دیر.
بغلان ولایتی ایکینچیلیک ریاستی مسووللریگه کوره، پسته تیریش جوزا آیی اداغیده باشلهنیب و سرطان آیی اداغیگچه دوام تارتهدی.
عین حالده، بغلان ولایتی پسته باغدارلریدن بیرقطاری، بو ییل پسته محصولات میزانی یوقاری کیتگنیدن خرسندلیک بیلدیریب و محصولاتلرینی تشقی مملکتلرگه صادر قیلیش اوچون حکومتدن زمینه یرهتیشینی سورهیدی.
اولرنینگ ایتیشیچه، حاضر مناسب بازار بولمهگنی باعث، محصولاتلری ارزان ساتیلهدی.
بغلانده پسته سوداگرلریدن بیرقطارینینگ ایتیشیچه، 7 کیلو ایچکی پسته مغزینی 6 الی 8 مینگ افغانی آلهدیلر. اولرگه کوره، ایچکی پسته، 7 کیلوسی 8500 افغانی ساتیلهدیگن ایرانی پستهدن کوره، کیفیتلی دیر.
بغلان ایکینچیلیک ریاستی مسؤوللرینینگ ایتیشیچه، حاضر اوشبو ولایت پستهسی پاکستان، عربستان، هند و امیریکه مملکتلریگه صادر بولهدی.
بغلان، مملکت شمال و شرقیده ایکینزار ولایتلر جملهسیدن سنلهدی، 38 مینگ و 300 هکتار طبیعی اورمانیبار و بو اورمانلردن 20 مینگ هکتارینی پسته اورمانلری تشکیل بیرهدی.
مرکزی بغلان، نهرین، تاله و برفک، دهنهغوری، پلخمری، دوشی و بُرکه تومنلریده پسته اورمانلری بار بولیب، اوشبو محصولاتنی دنیا بازارلریده ارایه ایتیشگه اونملی رول اوینهیدی.
