ارزگان ولایتی مرکزی ترینکوت، «خاص ارزگان»، «شهید حساس» تومنلری نینگ منطقهلریده امنیتی کوچلر و قوراللی طالبلر آرهسیده قتیق توقنشوو دوام ایته یاتگنی خبر قیلیندی.
ارزگان ولایتی نینگ پارلمان ده گی نماینده سی عبدالله بارکزی نینگ سلام وطندارگه ایتیشیچه، کمیده 20 امنیتی پوسته طالب لرگه قولیگه توشگن و اوشبو ولایت ده پولیس کوچلریدن 42 ته سی درک سیز کیتکن.
شونینگدیک جناب بارکزی نینگ ایتیشیچه، اگر حکومت بو موضوع توغری سیده دقت قیلمسه، مذکور ولایت نی طالب لر قولیگه توشیشی ممکن.
خاص تومنی باشلیغی عبدالکریم کریمنینگ سلام وطندار بیلن تلیفونی علاقهده بولیب، مذکور ولسوالیک «سنگر» منطقهسیده 7 امنیتی پوسته طالبلر قولیگه توشگنینی ایتگن. توقنشوولر نتیجهسیده 14 پولیس هلاک بولگن، باشقه 37 پولیس درکسیز یوقالگنی خبر قیلیندی.
جناب کریمگه کوره، مذکور پوستهلر قوماندانی، همکارلری هلاک ایتیلگن کیین، اوزینی قول بمی پارتلهتیب حیاتیگه نطقه قویگن.
شونینگدیک مذکور ولایت نی دهراود ولسوال لیگی پولیسی قوماندانی نوروزی نینگ ایتیشیچه، مذکور ولسوال لیکده ییرتلی درجهده حربی جهاز بولمهگنی باعث امنیتی کوچلر 14 پوسته نی ترک ایتکن.
شونینگدیک بوگون ایرتلب یول چیتیگه اورنهتیلگن بیر ماین پارتلهشی نتیجهسیده هلاک بولگن شهید حساس تومنی نینگ باشلیغی محمد اسماعیل حقیار نینگ اوتکن کون سلام وطندارگه، هلمند ولایتی بیلن چیگره داش، آلتی پوسته امنیتی کوچلری حربی قرارگاهنی تیرک ایتگنلیک لرینی تیلگه آلگن ایدی.
عین حالده، ارزگان والیسینینگ سوزلاوچیسی دوست محمد نایاب نینگ سلام وطندار بیلن تلیفونی سوزلهشیب، طالبلر تامانیدن چغک و بلوچی منطقه سیدهگی پوستهلراوستیگه هجوم اویوشتیریلگن؛ هجومده حاضرگچه 14 طالب اولدیریلگن و باشقه 10 ایسه یرهلنگنینی ایتکن.
طالبلرنینگ سوزلاوچیسی قاری یوسف احمدی عاموی اخبارات واسطهلریگه پیام یوللب، ارزگان مرکزی و باشقه نیچه تومنده امنیتی کوچلرگه آغیر تلفات ییتکزیلگنلیگی نی بیلدیرگن.
اوروش بیش کوندن بویان جنوبی منطقهلر، اینیقسه ارزگان ولایتیده دوام ایتماقده.
اوروش تامانلری یوتوق و تلفاتلری بارهسیده عاموی اخبارات واسطهلریده فرقلی گزارش بیرگنلر. لیکن، کورینیشیچه گزارشلر اونچهلیک توغری بولمهگن
