مملکت باش قارهلاوچیلیک ادارهسی نینگ سوزلاوچیسی جمشید رسولی نینگ بو خبرنی تصدیقلب سلاموطندارگه ایتیشیچه، اوشبو 4 قارهلاوچی بگرام حربی قونالغهسی نینگ عدلی و قضایی مرکزیده شغللنهریکنلر، بیراق بوگون "شنبه" بگرام حربی قونالغهسی تامان بارهدیگن بیرچاغده، کابل ولایتی نینگ قرهباغ تومنیده ناتانیش قوراللی کیشیلر تامانیدن اوققه توتیلگنلر.
جناب رسولیگه کوره، بو واقعه نتیجهسیده، قارهلاوچیلردن 2 تهسی هلاک و باشقه 2 تهسی یرهلنگن دیر.
باش قارهلاوچیلیک ادارهسی نینگ سوزلاوچیسیگه کوره، سونگی کونلرده کابل و باشقه ولایتلرده قارهلاوچیلرگه قرشی هجوم کوپهیگن و مملکت باش قارهلاوچیلیک ادارهسی قارهلاوچیلر خوفسیزلیگینی تامینلش اوچون جدی برنامهلرنی قولگه آلهدی.
