باشقرلاوچیلیک اداره رسمیلری ایتیشیچه، فرخنده قنقه قتل ایتیلیش دوسیهسی کوریب اوتیش اوچون 18 سارنوال ایش قیلیب کیلماقده و مذکور دوسیه کیلهسی ایکی هفته گچه محکمهگه یوباریلهدی.
باشقرلاوچیلیک سوزلاوچیسی بصیر عزیزی بیر خبری انجمن اوتکزیب، فرخنده قتلی توغری سیده دوسیهلر کوریب اوتیلماقده و جمعه کونی فرخنده قتلیگه قولی بولگن متهملردن توتیلگن.
عزیزیگه کوره، حاضرگه قدر 19 پولیس قوشیمچه، 49 متهم مذکور قضیه اوچون توتیلگن و توتیلگنلر برچهسی اوز جرملریگه اعتراف قیلگن.
جناب عزیزی ایتیشیچه، عدلیه وزیرلیگی مذکور دوسیه متهملرینی برچه سیگه مدافع وکیل توتگن.
عدلیه وزیرلیگینینگ حقوقی مساعدت بولیم باشلیغی اسدالله وحدت نینگ سلاموطندار بیلن اوتکزگن صحبتیده ایتیشیچه، باشقرلاوچیلیک ادارهسی نینگ ایستهگی اساسیده نیچه کون آلدین متهملر اوچون مدافع وکیل معرفی قیلگنلر.
27 یاشده بولگن فرخنده اوتگن ییل 28- حوت غضبلنگن کیشیلر تامانیدن قرآننی کویدیریش اتهامیده یمان حالتده اولدیریلیب، کیین جسدی کویدیریلدی.
حادثهدن کیین داخله و حج و اوقاف وزیرلیکلری اعلام قیلیشیچه، فرخنده قرآننی کویدیریشی یلغان ایکن و قضیه بیر تومار یازووچی ملانینگ تحریک بیریشی بیلن یوزبیرگن.
فرخنده قتل ایتیلگن جاده، اونینگ نامیگه قویلدی و شونینگدیک اونینگ اولدیریلگن ییرده بیر درخت ایکیلدی.
فرخنده نینگ قتلی ایچکی و تشقی اولکهلرده قرشیلیکلر بیلن قرهلندی. فرخنده قتل ایتیلیشیدن کیین اعتراض چیلر حکومتدن مذکور جنایت عامللرینی اعدام ایتیلیشینی سورهدیلر.
