بوندن نیچه وقت آلدین تشقریگه چیقیشی توسیلگن غور ولایت والیسینینگ اورین باسری محمدامین توخی، جمهور رییس غینینینگ فرمانی اساسیده مذکور ولایت سرپرستی ایتیب تعینلنگنی خبر قیلیندی.
غور ولایتینینگ دولت باشقرهلاوچیلیگی جناب توخینی، پاره خورلیک، ایشقیلمسلیک و ملی بودجهنی سوءاستعمال قیلگنلیگی باعث مملکتدن چیقیشینی منع ایتگن ایدی.
سلاموطندار رادیوسی بیلن صحبت قیلگن غور ولایت والیسینینگ سوزلاوچیسی عبدالحی خطیبی خبرنی تصدیقلب، جناب توخی ولایت سرپرستی ایتیب تعینلنگن دیگن.
لیکن، بوگون ایرتلب عاموی اخبارات واسطهلریگه سوزلهگن. غور ولایت سابق والیسی سیما جوینده، اورین باسری سرپرست ایتیب تعینلنگن لیگینی تنقید آستیگه آلیب ایتیشیچه، ولایت لوازمیدن استعفا بیرمهگن قانون تطبیق ایتیلیشی و زوروان شخصلر محاکمه ایتیلیشی اوچون ولایت لوازمیدن آلینگن.
غور سابق والیسیگه کوره، ولایت اورین باسری محمدامین توخی، ولایت اداری ایشلری بوییچه رییسی غلاممحمد پیمان، پولیس تدارکات مسوولی تاجمحمد تلاش و ولایت مستوفیسی محمدیوسفلر 117میلیون دالرنی حیف و میل قیلگن تورت کیشی دیر.
خانم جوینده بوندن بیر هفته آلدین غور ولایت لوازمیدن آلینیب، کابل ولایت والیسینینگ اورین باسری ایتیب تعینلنگن ایدی. بیراق، او مذکور لوازمنی تن آلمهگن. اوتگن کون (شنبه) غور ولایتینینگ اونلب اهالیسی ناراضیلیک نمایش اوتکزیب خانم جوینده قیتهدن ولایت مقامیگه کیلیشینی طلب قیلگنلر.
