حزب اسلامی رهبری گلبدین حکمتیار کابل کیلیشی بیلن بیرگه اونینگ بیر قنچه طرفدارلری آغیر و یینگیل حربی انجاملر بیلن قوراللنیب شهرنی گیزگنلر. موترده شهرنی گیزیب قدرت نمالیک قیلگنلر حکمتیارنی یشش اوییگچه آلیب بارگنلر.
کابللیکلرنینگ بیر قطاری، حکمتیار کابل کیریش بیلن ینه بیر مرته قدرت کورسهتیشگه اولگوردی دیدیلر. بو ایش خلق ایچیده قورقوو یرهتیشگه سبب بولدی دیدی اهالی.
اولر حکومتدن نیمه اوچون حکمتیار واونینگ اونگه طرفدار شخصلر بو قبیل آغیر و یینگیل حربیلربیلن جهازلهنیب کابلگه کیردیلر دیدیلر؟ پایتختلیکلر، شهر ایچیدهگی قوراللی شخصلر خلق نینگ روحی امنیتینی بوزیشگه سبب بولدی دیگنلر.
پایتختلیکلردن بیری فریدون، حکومت بیلن حکمتیار اورتهسیده امضا چیکیلگن شرطنامه حربی مانور کورستهتیش اوچون ایمس، مملکتده یرهش تامین بولیش مقصدیده قول قوییلگن دیدی. اونینگ سوزلریگه کوره، حزب اسلامیگه طرفدار شخصلر حکومت بیلن یرهشگن دن سونگ قوللریدهگی قورال اسلحهسینی ییرگه قوییشلری کیرهک دیگن.
کابل اهالیسیدن ینه بیری عصمتالله، حکومت حزب اسلامیگه طرفدار برچه قوراللی شخصلرنی قورال سیزلنتیریشی کیرهک دیدی.
کابل خلقی اوروش و نابرقرارلیکلردن خسته بولگنلیکلرینی تیلگه آلیب، بو قبیل وحشتلر اوچون خلق نینگ ایندی حوصلهسی پیر بولگن دیدی اهالی.
اما، حزب اسلامی نینگ سوزلاووچیسی نادر افغان، بو حزبگه طرفدار شخصلر شهر ایچیده هیچ قندهی حربی مانور کورستمهگنلر دیگن. فقط جناب حکمتیارنینگ تن قوریقچیلری ملی کوچلر چهارچوبهسیده اونینگ امنیتینی تامین قیلگنلر دیگن سوزلاووچی.
بو توغریده مملکت ایچکی ایشلر وزیرلیگی فکرینی اورگهنیش اوچون آلیب بارگن سعی وحرکتیمیز نتیجه بیرمهدی.
