ویکیلیکس جاسوسلیک سایتی، ینگیدن عربستان دولتی و افغانستاندهگی حقانی گروهی علاقهسی توغریسیده بیر حجت ترقتدی. بو حجتگه کوره، عربستان، حقانی گروهی رهبرینینگ دارولش اوچون لازم شرایط تیارلگن.
سيرلی دییلگن حجت لردن بیریگه کیلیشیچه، عربستان نینگ اسلامآباد دهگی سابق ایلچیسی عبدالعزیز الغدیر، میلادی 2012- ییل جلالالدین حقانی اوغلی نصرالدین حقانی بیلن اوچرهشگن و بو اوچره شووده حقانینینگ اوغلی عربستاندن آتهسی نینگ دارولنیشیگه زمینه یرهتیشینی سورهگن. جلال الدین حقانی اوشه ییل لوپوس (SLE) کسللیگیگه چالینگن ایدی.
عربستان تشقی ایشلر وزیرلیگی بیر اعلامیه آرقهلی مذکور مملکتنی سیرلی حجتی ویکیلیکس سایتی تامانیدن فاش ایتیلگنیدن خواطربیلدیریب، ترقهتیلگن حجت مذکور مملکت تشقی سیاستیگه قرشی ایمس دیگن.
باشقه بیر حجتگه کوره، عربستان ایلچیسی بیلن حقانی اوغلینینگ اوچره شووی، افغانستاننینگ سابق جمهور رییسی حامدکرزی، پاکستاننینگ سابق جمهور رییسی آصف علی زرداری و مذکور مملکت حربیسی نینگ سابق باشلیغی جنرال شفق کیانی بیلن اوچرهشیب، اولردن طالبلر رهبری ملا عمر بیلن اوچره شیشگه زمینه یرهتیشینی سورهگنیدن ایکّی هفته کیین اوتکزیلگن؛ بیراق پاکستان رسمیلری حامدکرزیگه حقانی گروهی رهبری ملافضلالله بیلن اوچره شیشگه تکلیف قیلهدی و نتیجهده جناب کرزی بو تکلیفنی قبول ایتهدی.
فاش ایتیلگن حجتگه کوره، جلال الدین حقانینینگ عربستانلیک پاسپورتی بولگن و اونی اوغلی آرقهلی عربستاننینگ اسلامآباد دهگی سابق ایلچیسیگه تاپشیرگن.
حقانی ترماغی افغانستان و پاکستان شمالیده اینگ فعال گروهلردن بیری دییلهدی. بو ترماغ میلادی 2012- ییل بیرلشگن ملتلر تشکیلات امنیتی کینگشی تامانیدن قاره رویخطگه آلیندی.
بو گروه حاضرگچه افغانستانده اونلرچه ترورچیلیک هجوملرنی عملگه آشیرگن؛ ینگیدن، مملکت امنیتی رسمیلری، افغانستان پارلمانی اوستیگه اویوشتیریلگن هجومگه اوشبو گروه قولی بارلیگینی ایتکنلر.
