.jpg)
طالبان گروهی بیر خبرنامه ترقهتیب ایتیشیچه، اولر بار کوچی بیلن 1398- ییل، جمهورلیک ریاست سیلاوی یولگه قوییلیشی گه توسیق بولهدیلر.
اوشبو خبرنامهده کیلیشیچه، کیلهجک سیلاوده هم اوتگن سیلاولردیک ساختهکارلیک قیلینهدی و اهالیسی نامزدلرنینگ بیاناتلری گه الدنمهسی کیرهک.
طالبان گروهی نینگ اورغولشیچه، اولر جمهورلیک ریاست سیلاو کمپاینلرینی هدف قرار بیرهدی و اهالی دن جانلری سقلهنیشی اوچون سیلاو کمپاینلریده اشتراک قیلمسلرینی سورهگن.
شونینگدیک، اولر باشقه مملکتلردن افغانستان جمهورلیک ریاست سیلاوی یولگه قوییلیشی گه یاردم بیریش جایی گه مملکت ده اوروش یکونلنیشی خصوصیده سعی و حرکت قیلیشلرینی سورهگن. طالبان گروهی نینگ ادعا قیلیشیچه، مملکت توپراغیدن کوپینچهسی اولرنینگ نظارتی ده دیر و سیلاو یولگه قوییلگنده هم بو جریان جوده تار شکلده یولگه قوییلهدی و آز مردم اون گه اشتراک قیلهدی.
شو توغریده:
- جمهورلیک ریاست سیلاو نامزدلری نینگ کمپاینلری قیزیقمهگن
جمهورلیک ریاست نامزدلری نینگ سیلاو کمپاینلری باشلندی
تخار ولایتیده نظیفه بیکنینگ کمپاین دفتریگه پارتلش یوز بیرگن
.jpg)
افغانستان حکومتی حاضرگهقدر بو توغریده عکسالعمل بیلدیرمهگن، بیراق بوندن آلدین ایچکی ایشلر وزیرلیگی نینگ اعلان قیلیشیچه، سیلاو خوفسیزلیگی تأمینلنیشی اوچون ییترلیچه تیارگرلیک آلینگن و سیلاو کمپاینلری گه قرشی هرقندهی هجوم گه توسیق بولهدی.
عین حالده، جمهورلیک ریاست سیلاو کمپاینلری کمرنگ دییلهدی، بیراق سیلاو ایرکین کمیسیونی نینگ اعلان قیلیشیچه، جمهورلیک ریاست سیلاوی یولگه قوییلیشی اوچون ییترلیچه تیارگرلیک آلگن.
