شو سونگیده طالبلر دولتگه قرشی عزم ناملی عملیاتنی اولکه ایریم منطقهلری، جملهدن بدخشان، فاریاب، جوزجان و کندوز ده یولگه قویگن ایدی، امنیتی کوچلر قرشیلیگی بیلن روپهره بولدی.
اردو ستادینینگ اورین باسری جنرال مرادعلی مرادنینگ ایتیشیچه، عزم ناملی عملیاتده طالبلر یوزی قاره بولگن.
جناب مرادگه کوره، جنگری طالبلر عزم ناملی عملیاتنی تشقی اربابلری بویروغی اساسیده یولگه قویشی بیلن امنیتی کوچلرگه قرشی اینگهییشگه موفق بولمهگن.
شو سونگیده طالبلر دولتگه قرشی عزم ناملی عملیاتنی اولکه ایریم منطقهلری، جملهدن بدخشان، فاریاب، جوزجان و کندوز ده یولگه قویگن ایدی، امنیتی کوچلر قرشیلیگی بیلن روپهره بولدی.
جناب مرادنی شنبه کونگی خبری ییغینده چیقیش قیلیب ایتیشیچه، جنگری طالبلرنی عزم ناملی عملیاتیگه قرشی، اولکه امنیتی کوچلری تمانیدن نیچه عملیات یولگه قوییلدی.
حربی کوچلر اورین باسرینینگ کوپهیتیریشیچه، امنیتی کوچلر جنگری طالبلرگه قرشی اولکه ایریم منطقهلریده یخشی یوتوقلرگه ایریشگنلر.
اونگه کوره، دولت قرشی جنگریلرنینگ مرکزیگه 5 میلیون دالر زیان ییتکیزیلگن.
جناب مرادگه کوره، جنگری طالبلرگه قرشی اویوشتیریلگن عملیاتلر امنیتی کوچلر رسمیلری آرقهلی اوستونلیک بیلن آلغه بارماقده.
جناب مرادنینگ کوپهیتیریشچه، امنیتی کوچلر تامانیدن جنگریلرگه قرشی جاری عملیاتلری اهالی و امنیتی کوچلر تقدیرینی انیقلیدی.
شونینگدیک حربی کوچلر اورین باسری بدخشان و کندز دهگی اوروشلرده تینچ اهالیدن تلفات بیریلمهگنی، امنیتی کوچلر بیلن خلق یاردمی دلیل دیب بیلهدی. جناب مرادنینگ ایتیشیچه، خلق برچه کوچ و قوتی بیلن امنیتی کوچلرگه یاردم بیرگنلر.
جناب مرادگه کوره، امنیتی کوچلر حاضرگی کونلرده اولکه ایریم ولایتلریده دشمنگه قرشی کورهشیب کیلماقده.
شونینگدیک اردو کوچلر اورین باسرینینگ ایتیشیچه، امنیتی کوچلر حاضرگی کونلرده فراه ولایتیده دشمنگه قرشی عملیات اوتکزیشلری عاقبتیده یوتوقلرگه ایریشگنلر.
اوتکن جمعه کیچه، یوزدن آشه جنگری طالب شبرغان شهریده سهشنبهتپه امنیتی پوستهسیگه هجوم اویوشتیریش نتیجهده 8 طالب و بیر پولیس هلاک بولگن و باشقه 5 طالب و بیر پولیس یرهلنگن.
گزارشلرگهکوره، توقنه شوو امنیتی کوچلری و جنگری طالبلر ارا نیچه ساعت دوام تاپگن و یاردم بیروچی گروه ایتیب کیلیشی بیلن طالبلر محلدن قاچیشگه موفق بولگن.
شونینگدیک فاریاب ولایتیدن کیلگن گزارشلرگهکوره، اوتکن جمعه کیچهجنگری طالبلر مذکور تومن مرکزی، تیجم، بخاری قلعه، دیوانهخانه قشلاقلریده جایلشگن امنیتی پوستهلرگه هجوم اویوشتیرگنلر.
ولایت رسمیلریگه کوره، حاضرگی شرایطده دشمن برچه کوچی بیلن افغان امنیتی کوچلریگه قرشی اوروشه آلمهیدی.
ناوه تومنی قیته قولگه کیریتیش اوروشیده 173 جنگری طالب هلاک بولگن و باشقه 70 تهسی تن جراجت آلگن.
ناوه 9 ییلدن کیین امنیتی کوچلر قولیگه توشدی
حربی کوچلر ارین باسرینینگ ایتیشیچه، غزنی ولایتینینگ ناوه تومنی 9 ییلدن کیین اولکه امنیتی کوچلر قولیگه توشگن.
جناب مرادگه کوره، جنگری طالبلر ناوه تومنی آرقهلی باشقه تومنلرنی تهدیدگه آلگن ایکن.
اونینگ کوپهیتیریشیچه، نظامی جهازلر جملهدن 30 تُن پارتلهش مادهلری، پارتلاوچی واسکت و یول یانیده اورنته دیگن ماین امنیتی کوچلر قولیگه توشگن.
غزنی والیسینینگ اورین باسری محمدعلی احمدینینگ سلاموطندارگه ایتیشیچه ناوه تومنی قیته قولگه کیریتیش اوروشیده 173 جنگری طالب هلاک بولگن و باشقه 70 تهسی تن جراجت آلگن.
جناب احمدیگه کوره، ناوه تومنینینگ قیته قولگه کیریتیش عملیاتیده هلاک بولگنلر ایچیده 7کیشی جنگری طالبلرتانیقلی قومندانلری هم موجود.
سونگی پیتلرده جنگری طالبلر هجومی اولکه ایریم منطقهلریده شدت تاپگن و امنیتی کوچلر حاضرگی کونلرده نیچه تمانلمه طالبلرگه قرشی اوروشیب کیلماقدهلر.
