مملکت عاموی اخبارات واسطهلرینینگ بلند مرتبهلی مدیرلری خبرچیلر جانی خوفسیزلیگی تامینلهنیش لایحهسی ایجاد ایتیلیشی بارهسیده خبر بیرگنلر. بوگون (چهارشنبه) کابلده ایریم عاموی اخبارات واسطهلر مسووللری شامل (نی) یا افغانستانده ایرکین مدیانی حمایت قیلووچی اداره تامانیدن اوتکزیلگن ییغینده، مذکور طرح نهایی بولگندن سونگ امنیتی ادارهلرگه تاپشیریلیشی بارهسیده قرار آلینگن.
عاموی اخبارات واسطهلرنی کوزهتوچی اداره رییسی صدیق الله توحدی مذکور ییغینده اوشبو طرح اساسیده دولت خبرچیلر جانی خوفسیزلیگینی تامین ایتیش اوچون مجبور دیر.
جناب توحیدیگه کوره، مملکت جمهور رییسی، عاموی اخبارات واسطهلری معما بیلن روپه ره بولگن حالده مشکلنی حل قیلیش اوچون مملکت قوشمه کوچلر مرکزی رییسی قدم شاه شهیمنینگ مراجعه قیلیش اوچون اونی رسمی شکلده تَنیشتیرگن. او، قوشمه کوچلر مرکزی قوماندانلیگینینگ رییسی بیلن اوتکزیلگن بیرینچی اولتیریشده خبرچیلر جانی خوفسیزلیگی تامین ایتلیشی اوچون دستلب بیر طرح اوستیده ایشلهنیب اوشبو طرح امنیتی ادارهلر تامانیدن عملی ایتیلیشی تاکیدلنگن.
بیرینچی مرته طرح ایجاد ایتیش اوچون عاموی اخبارات واسطهلری خبرچیلری ییغیلگن لیکلرینی ایتگن جناب توحیدی، اوتگن پیتلرده خبرچیلر اورتهسیده هیچ قندهی اویغونلیک یوق ایدی و انه شو موضوع ایسه کوپنیچه حادثهلر یوز بیریشیگه سبب بولگن.
مملکت خبرچیلریدن بیری سعید حقیقی افغانستان عاموی اخبارات واسطهلر مسووللرینینگ بو حرکتیگه عکسالعمل بیلدیریب، مذکور لایحه مدیا اوچون بعضی چیکلاوولرنی یرهتمسلیگی توغریسیده تشویش بیلدیرگن.
افغانستان عاموی اخبارات واسطهلری مملکتده هنوز هم ایریم خبرچیلر جدی خطرلرگه روپه ره بولگن حالده،خبرچیلر جانی خوفسیزلیگی سقلهنیشی اوچون بوندهی بیر طرح ایشلب چیقبیشگه اولگورگنلر.
اوتگن 14 ییل جریانیده افغانستانده قطار ایچکی و تشقی خبرچیلر اولدیریلگن، لیکن هنوزگچه دولت اولرنینگ دوسیهسی جدی تیکشیریلیشی اوچون موفق بولمهگن.
