اولکه ملی امنیت اورین باسری متین بیگ، حکومت ایچیده فعالیت قیلیب کیلهدیگن «بیشینچی ستون» نی تأیید قیلهدی و مذکور تشکیلات اعضالرینی تانیش اوچون تیکشیروولر باشلنگن دیدی.
بومطلبنی یکشنبه کونی ملی امنیت اورین باسری سنا کینگشیده بیان قیلدی. مذکور اولتیریشده، ایچکی ایشلر وزیری نورالحق علومی، مدافعه وزیرلیک اورین باسری عبدالخالق سروری، امنیتی کینگش اورین باسری سلیمان کاکر هم قندوز حادثهسی و حکومت ایچیدهگی بیشینچی ستون بارهسیده تیلهتیلگن ایدیلر.
اوشبو اولتیریشده جناب متین بیگ نینگ ایتیشیچه، اولرگه قندوز هجومی بارهسیده گزارشلر کیلگن ایدی، اما مدیریت ضعیفلیگی سبب ولایت نیچه کون طالبلر قولیده قالدی. ملی امنیت اورین باسری، کینگش اعضالریگه قندوز حادثهسی تکرار بولیشی آلدینی آلیشلریگه تأکید قیلدی.
بو امنیتی مقام نینگ ایتیشیچه، طالبلر قندوزنی تصرف قیلیشلری بیلن روحیه آلیب، غزنی، بغلان، فاریاب، تخار و بدخشان ولایتلریده هجوم ایلتیشگه اولگورگنلر، اما اولرنینگ هجوملری امنیتی کوچلر قرشیلیگی بیلن روپهره بولگن.
قندوزنینگ طالبلر قولیگه توشمهسیدن آلدین سیاستچی و ایش بیلرمانلر ایچیده، اولکه حکومتی ارا بیشینچی ستون یا جاسوسلر بارلیگی بارهسیده کوپلب سیس چیقاریلگن ایدی.
بو اولتیریشده جناب متین بیگ نینگ ایتیشیچه، بیشینچی ستون حکومت نینگ سقوطیگه اولگورهدی و مذکور گروه هم حکومت و هم جنگری گروهلر بیلن ارتباطده ایکنلیگی ایتیلهدی.
بوندن آلدین سابق جهادی رهبرلردن بولمیش عبدالرب رسول سیاف هم حکومت ایچیدهگی بیشینچی ستون بارلیگیدن خبر بیرگن ایدی و تشقی اولکهلرگه باغلیق جاسوسلر حکومت ایچیده فعالیت قیلهدی دیگن ایدی. او بوکیشیلرنی حکومت فعالیتلری بارهسیده جدی تهدید لیگینی بیلدیرگن ایدی.
امنیتی کینگش اورین باسری سلیمان کاکر هم جناب سیاف قولیده حکومت ایچیدهگی بیشینچی ستون یا جاسوسلر بارهسیده حجتی بولسه، مذکور حجتلرنی باید اولکه امنیتی مقاملرینی شریک قیسلین دیدی.
جناب کاکر امیریکه بیرلشمه ایالتی بیلن امضا بولگن امنیتی کیلیشوونینگ هرییل افغانستان امنیتی کوچلری اوچون 4 یریم میلیون دالر شو بارهده توله نیلهدی و شونقه بیرکیلیشیک بولمهگن صورتده بوهزینهنی قولگه کیلتیریش ناممکن ایدی دیگن.
ایچکی ایشلر وزیری نورالحق علومی هم قندوز بارهسیده، امنیتی کوچلر شهر وضعیتینی تیکشیریب کیلماقده و مذکور ولایت امنیتی مکمل شکلیده تامین بولیشیگه قدر پاکلش عملیاتلر دوام تاپهدی دیگن.
جناب علومی قندوزنینگ طالبلرتصرفیگه اوتیشی یلغان تبلیغلر بارلیگی دیب بیلهدی.
قندوز شهری 14 ییلدن کیین بیرینچی ولایت مرکزی بولیب طالبلر تصروفیگه اوتدی، مذکور ولایت 3 کون مابینیده ایریم عصیانچیلیکلر بیلن روپهره بولیب قیته دولت قولیگه کیردی.
