افغانستان شمالیده جایلشگن بغلان ولایتی کینگشینینگ بیر قنچه اعضالری، قوراللی طالبلر اوچ محلی پولیسنی قبردن چیقاریب بدنلرینی کیسگنلیکلرینی ایتگنلر.
بغلان ولایت کینگشینینگ اعضاسی بسم اللهعطاش، حادثه ولایت مرکزی پلخمری شهرینینگ سرخکوتل منطقهسیده یوز بیرگن لیگینی بیلدیرگن. او، بغلان ولایت محلی رسمیلرینی، جنگری طالبلرنینگ بو قیلمیشی اوچون تفاوتسیز قالگنلیکلرینی تیلگه آلگن.
شونینگدیک جناب عطاش، جنگری طالبلرنینگ بو قیلمیشی اسلام ینه انسان حق و حقوقلریگه ضد بولگن لیگینی ایتگن. اونگه کوره، هیچ بیر دین و آیینده جسدنی حقارت قیلیش جایز ایمس.
اولدیریلگن عسکرلردن بیرینینگ قوماندانی مبارز، اوشبو عسکر بوندن اوچ کون آلدین بغلاننینگ دند غوری منطقهسیده جنگری طالبلر محلی پولیس پوستهسیگه هجوم قیلگن بیر پیتده، عصیانچیلرنینگ مولوی احسانالله ناملی قوماندانینی اولدیرگن ایدی دیگن.
اونینگ سوزلریگه کوره، قوراللی طالبلر سرخ کوتل منطقهسینی تصروف قیلگندن کیین اوچ آلیش اوچون مذکور جسدنی قبردن چیقاریب جسدنی تیگه – پاره قیلگن.
بغلانلیک مدنی فعاللردن بیری نوریه حمیدینینگ سلاموطندارگه ایتیشیچه، جنگری طالبلر سرخکوتل و گاوسوران منطقهلرینی نظارتلریگه آلیب، اولیکلرگه حقارت قیلگنلر. محل اهالیسی یشش اویلرنی اوتگه یاندیرگنلرلیکلری هم تاکیدلنهدی.
بغلان امنیه قوماندانی محمدعوض نذیری، سرخکوتل منطقهسی جنگریلر تامانیدن اشغال ایتیلیشی و مولوی احسان الله اولدیریلگن لیگینی تصدیقلب ایتیشیچه، مذکور منطقهلر قیتهدن جنگریلر اشغالیدن آزاد ایتیلیشی اوچون مرکز کابلدن حربی کوچلری کیلگن لیگینی بیلدیرگن.
اونینگ سوزلریگه قرهگنده، بغلاننینگ چشمهشیر، سرخکوتل و گاوسوران منطقهلریده قوراللی طالبلردن تازهلهنیشی اوچون حربی تازهلش عملیات یولگه قوییلگن. هنوزگچه عملیات نتیجهسیده 12 طالب اولدیریلگن و 15 طالب ایسه جراحت آلگن.
