آمریکا جمهور رئیسی دونالد ترامپ، حربی مصلحتچیلریدن افغانستانده کرونا ویروس کوپلب رواجلنگنی باعث، بو مملکت دن بوتون آمریکا کوچلری نینگ چیقریلیشینی طلب قیلگن.
انبیسی نیوز آمریکالیک 3 بلند مرتبهلی رسمی دن نقل قیلیب گزارش بیریشیچه، ترامپ هر کون افغانستانده آمریکا کوچلری حضوریدن شکایت قیلهدی.
اوشبو گزارش اساسیده ترامپ نینگ ایتیشیچه، اوشبو مملکت نینگ کوچلری افغانستانده کرونا ویروس خطری گه روپهره بولیب تورگن.
آمریکالیک اوشبو رسمیلرنینگ انبیسی نیوزگه ایتیشلریچه، افغانستاندن آمریکا کوچلری چیقریلیشی توغریسیده ترامپ نینگ سعی و حرکتی کرونا ویروس رواجلنگنی و طالبان ارا تینچلیک جریانیده بولگن کیلیشمهلر توختهگنی سبب بولگن.
شونینگدیک، اوشبو گزارشده کیلیشیچه، ترامپ نینگ مصلحتچیلری اونگه افغانستاندهگی آمریکا کوچلری کرونا ویروس رواجلنگنی باعث، چیقریلگن صورتده، پنتاگون کوچلرینی کرونا ویروس کینگ شکلده رواجلنگن ایتالیا کبی مملکتلردن چیقریشینی ایتگن.
عین حالده، افغانستانده کرونا ویروس گه چلینگنلرنینگ رقمی 1703 کیشی گه ییتیشگن و شونینگدیک، افغانستانده کیسکین حمایهوی کوچلردن 4 تهسی کرونا ویروس گه چلینگن.
