«عدالت» ناملی بیر مدنی و حقوقی نهاد بیرگزارش ترقهتیشی بیلن افغانستان عسکرلریدن 130 مینگی خیالی ایکنلیگینی اورغولهگن. بو نهاد مسؤوللریگه کوره، اوشبو عسکرلر، اوروش اوچون جبههلرده حضورلری یوق؛ اما آیلیکلرینی قولگه کیلتیرهدیلر.
افغانستانده عدالت ناملی مدنی و حقوقی نهاد مسؤوللری نینگ ایتیشیچه، اولرنینگ قیدیروولری کورسهتیشیچه، شوحاضر 222 مینگ عسکر افغانستان اوروشلریده حضور تاپهدیلر.
بو شوپیتده ایتیلهدی کیم، حکومت رسمیلری هردایم 350 مینگدن آشه عسکر بارلیگینی بیان قیلهدیلر.
شونینگدیک بونهاد مسؤوللرینی ایتیشیچه، قیدیروولر اساسیده بو عسکرلردن 80 فایزی پولیس صفیده خیالی شکلیده و قالگن 20 فایزی ایسه اردو، ملی امنیت و باشقه امنیتی نهادلرده دیر.
افغانستانده عدالت ناملی حقوقی و مدنی نهاد باشلیغی شمسالدین شمس نینگ بوگون توشدن کیین هرات شهریده اوتکزگن خبری اولتیریشده، بو خیالی عسکرلر حجتینی خبرنگارلرگه ارایه قیلدی. اونگه کوره، بونهاد امنیتی نهادلر تیکشیروویدن کیین، اولکه 28 ولایتیده حضوری قتنهشیشلری بیلن پوستهلرده باریب صحبت اوتکزیشلری بیلن بو حجتلرنی قولگه کیلتیرگن.
جناب شمس نینگ ایتیشیچه، بو نهاد ایکی ییلدن بویان، بوتوغریده ایشلب کیلماقده و خیالی عسکرلر حجتینی 6 آیده، 13 ولایتده باریب و 15 اولایتده بارمهسی، عیال و ایرکک 12 ایش بیلرمان تحقیقچیلر بیلن قولگه کیلتیرگنلر.
بونهاد مسؤوللری هر ولایتدهگی خیالی عسکرلر سانینی انیق ایتمهگن؛ اما رسانهلر قولیدهگی حجتلرگه قرهگنده، اولکه بویلب برچه زونده خیالی عسکر بارلیگی سیزیلهدی. بو حجتلرگه کوره، خیالی عسکرلردن کوپیسی مرکزی حوزهده کورینهدی.
شونینگدیک بو مسؤوللر کیلهسی یقین پیتده، ولایتلردهگی خیالی عسکرلر سانینی هم انیقلیدیلر.
سلاموطندار، مدافعه و ایچکی ایشلر وزیرلیگیدن بوبارهده سورهماقچی بولیب کوپلب کوشش قیلدی، اما نتیجه بیرمهدی.
