بوگون «یکشنبه» ایرتهلب افغانستان ملی مدافعه وزیری طارقشاه بهرامی، ملی خوفسیزلیک عمومی ریاستینینگ اورین باسری و ایچکی ایشلر وزیرلیگینینگ اورین باسرلریدن بیری غزنی ولایتی گه باریب و ییغین یولگه قویگن بیرچاغده، اولر ییغین یولگه قویگن منطقهنی روپهرهسیدهگی بِناگه ایکی موشک تیککن. غزنی ولایت حاکمی سوزلاوچیسی محمدعارف نوری گه کوره، اوشبو واقعه نتیجهسیده حربی کوچلردن 2 عسکر یرهلنگن. اوشبو ییغین غزنی ولایت مقامینینگ بیر چیکهسیده جایلشگن امنیتی کوچلرنینگ اویغونلشتیرووچی مرکزده یولگه قوییلگن ایکن.
اوشبو ییغینده ملی مدافعه وزیرینینگ ایتیشیچه، قوراللی طالبلر غزنی ولایتینی ناتینچ قیلیش اوچون سعی و حرکت قیلهدیلر، بیراق بو ولایت دولت اوچون خاص اهمیت گه ایگه بولگن و تیزیم رهبرلیگینینگ دقتیده دیر.
بونگه قوشیمچه، باشقه ایکی موشک غزنی معارف ریاستی و شهردارلیک بِنالریگه تیککن.
غزنی معارف ریاستی سوزلاوچیسی شفیقالله قاریزاده و غزنی شهردارلیگینینگ عامهوی علاقه مسؤولی عنایتالله عرفاننینگ اورغولشیچه، اوشبو واقعهلرنی نتیجهسیده معارف و شهردارلیک ایشلاوچیلریدن 5 کیشی یرهلنگن.
غزنی ولایتی گه امنیتی رسمیلرنینگ سفریدن مقصد، مذکور ولایتنینگ امنیتی وضعیتینی تیکشیریش دییلگن.
