لوگر ایکینچیلیک اداره سیگه کوره، ایکینچیلیک وزیرلیگی شوییل جریانیده لوگرمرکزی پل علم و محمدآغه و برهکی برک تومنلریده اوچ ییریک موزخانه توزهتیش لایحهسینی کوزگه توتگن.
مذکور اداره باشلیغلریگه کوره، اوشبو موزخانهلر بیرچاغده بیرمینگ تُن کوکت- میوه اسرهش قابلیتیگه ایگه بولیشی ممکن.
لوگر ولایتینینگ ایکینچیلیک ادارهسی باشلیغی انجنیر همایون عمرنینگ سلاموطندارگه ایتیشیچه، موندن آلدین یاردمچی گروهلر و ولایتی قیته قوروش جمغرمهلر ولایت مرکزی و ولسوالیکلرده 80 دن آشه کیچیک موزخانهلر ایجاد قیلگنلیکلری بیلن کوپلب ایکینچیلر و باغدارلرگه یاردم بیرگن ایکن.
جناب عمر شوحاضر لوگر مرکزی و ولسوالیکلریدن یوزلرچه تُن میوه- کوکت بازارگه ساتیشگه بیریلهدی، اما مناسب موزخانهلر بولمهگنلیگی سبب، هرییل مذکور ایکینچیلیک تولیداتی، یریم بهاسی بیلن ساتیلیشینی ایتگن.
اونگه کوره، ایکینچیلیک ینگی وزیری پل علم موزخانهسینی 500تُن قابلیتیگه و محمدآغه و برهکی برک موزخانهلرینینگ 200تُن ینگی اسبابلیک ظرفیتی بیلن توزهتیش وعدهسینی بیرگن.
هرات ایکینچیلیک ادارهسی ایشلاوچیلرینینگ ایتیشیچه، کوپلب ایکینچیلر و باغدارلر موزخانهلر ارزشینی بیلگن و شونینگدیک موزخانهلر بارلیگی؛ اولرنینگ کوپلب میوه- کوکتلرینی سانیگه آرتیلیشیگه سبب بولگن.
ایکینچیلیک ایش بیلرمانلرنینگ ایتیشیچه، ایکینچیلیک و چارواچیلیک وزیرلیگی تامانیدن امکانلی موزخانهلرتوزهتیلیشی، ایکینچیلر و باغدارلر محصولاتینینگ یخشی اسرهلیشی افغانستان اقتصادی و ایکینچیلیگیگه ایجابی تأثیر تشلیدی.
ایکینچیلیک ایش بیلرمانی عبدالقیومنینگ سلاموطندارگه ایتیشیچه، ایکینچیلر و باغدارلر؛ اوز محصولاتینی بازارگه چیقاریش قصدیده بولگن بیرچاغده، محصولاتلرینی اسرهش اوچون مناسب موزخانهلر بولمهگنلیگی دلیل، هرییل میوه- کوکتلرینی یریم بهاسیگه قوشنی اولکهلر بازاریده ساتهدیلر و میوه- کوکت فصلی اوتیشی بیلن مذکور محصولاتلرقیته قوشنی اولکه لردن ایکی برابر بهاسی بیلن اولکه داشلرگه ساتیشگه موفق بولهدیلر.
ایکینچیلیک وچارواچیلیک وزیرلیگی و ایریم ایکینچیلیک بولیمیده یاردم بیرهدیگن موسسهلر اولکه ولایتلریده موزخانه توزهتیشگه اولگورگنلر؛ اما ایش بیلرمانلرگه کوره، ایکینچیلیک وزیرلیگی ولایتلردهگی ایکینچیلرنی موزخانهلردن ایجابی ایش آلیشلری و اوز محصولاتلری یخشی اسرهش خصوصیده اورگتسینلر.
پل علم ایکینچیلریدن بیری سمسور، 5 جریب ییرنی پیاز و 2 جریب ییرنی پمهدور(رومی) ایکیشگه اولگورگن ایدی؛ سلاموطنداربیلن صحبت اوتکزیشی بیلن موزخانهلرتوزهلیشینی مهم بیلهدی. او، ایکینچیلیکدن قولده کیریتهدیگن محصولاتلرینی یریم بهاسیگه قوشنی اولکهلر سوداگرلریگه ساتهدی؛ نیگه کی میوهلراسرهش اوچون موزخانهلری یوق.
لوگردهگی میوه- کوکت ساتهدیگنلردن بیری حاجی عبدالباقیگه کوره، آلدیندن کوره، حاضر بازار وضعیتی جوده هم یمان بولگن؛ نیگه کی لوگرده میوه- کوکت اسرهیدگن ییرموجود ایمس.
عبدالباقینینگ کوپهیتیریشیچه، حاضرهم قیشلاقلردهگی ایکینچیلر ایسکی سنتی توشینچهلری بیلن اوز محصولاتلرینی اسریدیلر.
اونگه کوره، قیشلاقلردهگی ایکینچیلر ییرلرینی قازیشی بیلن، محصولاتلرینی اسرهب و کیین پلاستیک یاپیب، توپراغ سوریشی بیلن اوزمحصولاتلریدن 50 فایزینی خراب بولیشدن آلدینی آلهدیلر؛ اما ینه هم ایکینچیلر بوتونلی محصولاتلرینی اسرهشگه موفق بولمیدیلر.
لوگر خلقیدن کوپیسی باشقه ولایت یشاوچیلری کبی ایکینچیلیک ایشی بیلن مصروفلر؛ اما سونگی یاغینگرچیلیکلر و فصل سونگی سیدهگی ساووغلر ایکینچیلرمحصولاتینی نابود قیلگن.
