افغانستان ملی بیرلیک حکومتی بوگون (سهشنبه 7- میزان 1394-ییل) بیر یاشر بولدی؛ اما ایتیلیشیچه افغانستان ملی بیرلیک حکومتینینگ رهبرلری امنیت تامین ایتیلیشی اوچون بیرگن وعدهلریگه عمل قیلمهگن، بلکه افغانستان اوشبو بیر ییل جریانیده آلدیندن کوره نابرقرار بولیب مملکت جدی تهدیدلرگه دوچار بولگن.
حکومتنینگ ایکی رهبری، اشرفغنی و عبدالله عبدالله سیلاولر آلدی ترغیبات برنامهلریده همده ملی بیرلیک حکومتی ایش گه باشلهگنده مملکتده امنیت و تینچلیکنی اورنهتیش اوچون وعده بیرگن ایدیلر.
قطار حربی تحلیلچیلر ملی بیرلیک حکومتی ایجاد ایتیلیشی بیلن امنیتی وضعیت اوتگن ییللرگه قرهگنده جدی یامانلشگن لیگینی ایتگنلر و حتی جنگری طالبلر ایریم پیتلرده ولسواللیکلرنی تصرف قیلیشی اینیقسه ایکی کون آلدین قندوز شهرینی اوز ادارهلریگه آستیگه آلیشگه موفق بولدی.
سونگی بیر ییلده مملکت بولیب حکومتگه قرشی ترورچیلیک و گروهی هجوملر و خوفسیزلیک میزانی آشگنلیگینی نینگ اصلی عاملی نیمهده؟
سلاموطندار بیلن علاقهده بولیب سوزلشگن حربی تحلیلچی جاوید کوهستانیگه کوره، خوفسیزلیک مسوولیتلرنی خلق ارا کوچلردن افغان ملی کوچلریگه تاپشیریلیشی، خلق ارا کوچلرینینگ مخصوص حربی عملیاتی توختهتیلیشی جنگریلرنی کوپراق فعالیت قیلیشی اوچون زمینه یرهتگنلیگی ایتیلهدی.
کوهستانیگه کوره، سیلاولر جریانی حددن زیاد چوزیلیشی امنیتی ادارهلر مسوولی تعین ایتیلمهگنی و مملکتده نابرقرارلیک میزانی آشگنلیگی اوچون اساسی عامل سنهلهدی.
جناب کوهستانی مملکت امنیتی کوچلری اورتهسیده برنامه بولمهگنی همده هماهنگلیک یوق لیگی خوفسیزلیک آشگنی اوچون باشقه سببلردن ایکنینی تیلگه آلگن.
نمایندهلر مجلسی نینگ اعضاسی داوود کلکانیگه کوره، حکومت دستگاهی دهگی «بیشینچی ستون» ترورچی گروه لرنی رهنمالیک قیلیب حتی ایریم پیتلرده انتحاری واسکتلرنی پایتختگچه کیلتیریب بیرهدیلر. کلکانی، تیزیم ایچیده ترورچیلرنی حمایت قیلهدیگنلر قدرتگه ایریشیش اوچون سعی وحرکت قیلهدیلر دیگن.
عین حالده، اوتگن کون ایرتلب جنگری طالبلر آرقهلی قندوز مرکزی تصرف ایتیلدی. سنا مجلسی همده قطار حربی تحلیلچیلر قندوز سقوط قیلمهگن بلکه انه شو شخصلر طرفیدن معامله بولگن.
جنگری گروهلر قوشنی مملکتلر یا – ده استخبارات اداره لر همکارلیگیده مملکتده خوفسیزلیک میزانینی آشیریش اوچون باشقه بیر عامل بولگن. سونگی وقتلرده افغانستان حکومتی مملکت نا برقرارلیگی اوچون توغریدن توغری پاکستان استخبارات ادارهسی نی عیب لب کیلگن.
اما مملکت ایچکی ایشلر وزیرلیگی سوزلاووچیسی صدیق صدیقیگه کوره، خوف سیزلیک مسوولیتلر خلق ارا کوچلردن اففان ملی کوچلریگه تاپشیریلگنی دن سونگ جنگری طالبلر اهالی ذهنینی چلغیتیشگه حرکت قیلگنده مملکت نینگ تورلی حدودلریده افغان ملی کوچلرینینگ جدی عکس العملی گه روپه ره بولگن.
ملی بیرلیک حکومتی اوتگن بیر ییل مابینیده جدی تهدیدلر بیلن روپه ره ایکن لیگینی تصدیق له گن صدیقی، ترورچی گروه لر اوز برنامه لرینی عملگه آشیریش اوچون موفق بولمه گنلیکلرینی هم تیلگه آلگن.
ییریک امنیتی تهدیدلرگه قرهمی، افغانستان ملی کوچلری اوتگن بیر ییلده اهالی همده مدنی ادارهلرنینگ جدی حمایتی نی کسب قیلگن. شونینگدیک اوتگن آیلرده افغانستان بولیب افغان ملی کوچلریدن حمایت بیلدیریب، ییغینلر اوتکزیش یوقاریدهگی ادعامیز اوچون یقال مثال دیر.
